11:00, 30 - ناۋرىز 2016 | GMT +5
پەلە سامسۋنگ كومپانياسىمەن سوتتاسىپ جاتىر
استانا. قازاقپارات - برازيليانىڭ اتى اڭىزعا اينالعان فۋتبولشىسى پەلە كورەياداعى ەلەكترونيكا ونىمدەرىن شىعارۋشى Samsung كومپانياسىن ءوزىنىڭ بەينەسىن جارنامالىق ماتەريالدارىندا تەرىس پايدالانعانى ءۇشىن سوتقا بەردى، دەپ حابارلايدى Associated Press.
The New York Times گازەتىنىڭ بەتتەرىندە ورنالاستىرىلعان تەلەديدارلار جارناماسىندا برازيليالىق فۋتبولشى ءجيى ورىنداعان «قايشىلاپ سوعۋ» ءادىسىن ورىنداعان پەلەگە ۇقساس ادام بەينەلەنگەنى حابارلانىپ وتىر.
سوت ارىزىنا سايكەس، پەلە وزىنە كەلتىرىلگەن زيان ءۇشىن 30 ميلليون دوللار تولەۋدى تالاپ ەتىپ وتىر.
