استانا اۋەجايىندا قايتىس بولعان قىتاي ازاماتى ازيا دامۋ بانكىنىڭ قازاقستانداعى وكىلدىگىنىڭ ديرەكتورى بولىپ شىقتى
«ارىپتەستەرى جينليندى تالانتتى ءارى تاجىريبەلى باسشى رەتىندە عانا ەمەس، جىلى شىرايلى، اشىق، قاشاندا ءبىلىمى جانە تاجىريبەسىمەن بولىسۋگە دايىن ادام رەتىندە ەستە ساقتايدى»، - دەدى ا د ب- نىڭ پرەزيدەنتى تاكەحيكو ناكاو.
ەسكە سالا كەتەيىك، 27 -ناۋرىز كۇنى ساعات 07:53 تە استانا حالىقارالىق اۋەجايىنىڭ ايالداماسىندا ق ح ر- دىڭ 1960 -جىلى دۇنيەگە كەلگەن ازاماتى ياڭ جينليننىڭ زورلىق بەلگىلەرى جوق دەنەسى تابىلدى.
قىتاي حالىق رەسپۋبليكاسىنىڭ (ق ح ر) ازاماتى جينلين ياڭ ادب- دا 2011 -جىلى شىعىس ازيا دەپارتامەنتىندە اعا كەڭەسشى رەتىندە جۇمىس ىستەي باستاعان، بۇعان دەيىن ق ح ر- دىڭ قارجى مينيسترلىگىنىڭ جانىنداعى ازيا- تىنىق مۇحيتىنىڭ قارجى جانە دامۋ ورتالىعىن باسقاردى.
باس كەڭسەسى مانيلادا ورنالاسقان ا د ب- نىڭ ميسسياسى - ازيا- تىنىق مۇحيتى ايماعىندا ينكليۋزيۆتىك ەكونوميكالىق جانە ەكولوگيالىق تۇراقتى ءوسىمنىڭ، سونداي- اق ايماقتىق ينتەگراتسيانىڭ كومەگىمەن كەدەيلىك دەڭگەيىن تومەندەتۋ. بانك 1966 -جىلى قۇرىلعان، ونىڭ 67 ەلدە اكسيونەرلەرى بار.
