10:48, 30 - ناۋرىز 2016 | GMT +5
الماتى پوليتسياسى اۆتوبۋستىڭ ارتىنا جارماسىپ جۇرگەن ءۇش جىگىتتىڭ ارەكەتىنە قاتىستى تۇسىنىكتەمە بەردى - كەسكىن
الماتى. قازاقپارات - الماتى پوليتسياسى اۆتوبۋستىڭ ارتىنا جارماسىپ، دىتتەگەن جەرىنە جەتكەن ءۇش جىگىتتىڭ ارەكەتىنە قاتىستى تۇسىنىكتەمە بەردى.
قالالىق ءى ءى د رەسمي وكىلى سالتانات ازىربەكتىڭ ايتۋىنشا، ءۇش جىگىت اباي كوشەسىمەن كەلە جاتقان №128 اۆتوبۋستىڭ ارتىنا جارماسىپ العان.
«ولاردىڭ ارەكەتى اينالاسىنداعى جول قوزعالىسى قاتىسۋشىلارىنىڭ جانە وزدەرىنىڭ ومىرىنە قاۋىپ تۋعىزعان. قازىر بۇل دەرەكتى جەرگىلىكتى پوليتسيا قىزمەتى تەكسەرىپ جاتىر»، - دەدى س. ازىربەك.
وسىعان دەيىن ءۇش جىگىتتىڭ اۆتوبۋستىڭ ارتىنا جارماسىپ الىپ دىتتەگەن جەرىنە جەتكەنى تۋرالى بەينەروليك جاريالاعان بولاتىنبىز.
اۆتور: گۇلميرا عوسمانالي
