تۇرمەدە مەيرامحانا اشىلدى

استانا. قازاقپارات - يتاليا تۇرمەسىندە ءدامدى تاعامدار دايىندايتىن رەستوران اشىلدى.

بۇل تۋرالى Kedem اقپارىنا سۇيەنگەن ras.kz حابارلادى.

InGalera («كاتورگادا») دەگەن اتاۋ بەرىلگەن قوعامدىق تاماقتاندىرۋ مەكەمەسى ءوزىنىڭ وسى اتىن تولىق اقتايدى. مۇنىڭ ءمانى - رەستوراننىڭ بارلىق جۇمىستارى تۇرمەدە جازالارىن وتەپ جاتقانداردىڭ يىقتارىنا ىلىنگەن. تۇرمە باسشىلىعى مۇنىڭ قاماۋدا وتىرعانداردىڭ قوعاممەن قارىم- قاتىناسىن ورنىقتىرىپ، وزدەرىن دۇرىس جولعا سالىپ جىبەرۋ ءۇشىن جاسالىپ وتىرعانىن ايتادى.

رەستوران نەگىزىنەن سىرتتان كەلەتىن ادامدارعا قىزمەت كورسەتەدى.

عيماراتتىڭ سىرتقى جاعىندا تەرەزەلەرى تورمەن قاپتالعان. ال زال مينيماليزم ستيلىندە جابدىقتالعان. كەلۋشىلەر قاراقات سوۋسىنا بۇقتىرىلعان جابايى قۇس ەتتەرىنە جانە وتە جاقسى شاراپتارعا تاپسىرىس بەرە الادى.

رەستورانداعى تاماقتىڭ ورتا باعاسى 12 ەۋرو تۇرادى. ال رەستوراندا جۇمىس ىستەيتىن تۇتقىندار وزدەرىنىڭ شەبەرلىك دەڭگەيلەرىنە قاراي ايىنا 600 دەن 1200 ەۋروعا دەيىن جالاقى الادى. مۇنداعى جۇمىستارعا تەك تۇرمەدە ءوزىن جاقسى جاعىنان كورسەتكەندەر عانا الىنادى دەسەدى.