09:06, 30 - ناۋرىز 2016 | GMT +5
كەشە كاناداداعى ۇشاق اپاتىنان بۇرىنعى كولىك ءمينيسترى قازا تاپتى
استانا. قازاقپارات - 29- ناۋرىز كۇنى كيەلى لاۆرەنتي شىعاناعىندا بولعان اۋە اپاتىندا كانادانىڭ بۇرىنعى كولىك ءمينيسترى جان لاپەر قازا تاپتى.
بۇل تۋرالى CBC News-قا سىلتەمەمەن Lenta.ru حابارلايدى.
ناقتىلانعان مالىمەتتەر بويىنشا، ۇشاقتىڭ قۇلاۋى سالدارىنان جەتى ادام، سونىڭ ىشىندە لاپەردىڭ زايىبى جانە وتباسىنىڭ باسقا مۇشەلەرى وپات بولدى.
سەنت-يۋبەردەن ۇشقان اۋە كەمەسى تۇسكە قاراي، اۆر وكس مەزون ارالىنداعى اەرودرومعا جاقىنداعان كەزدە قۇلادى. سول كەزدە تۇمان بولىپ، جاڭبىر قۇيىپ تۇرعان. اۋە كەمەسى اۋەجايعا بىرنەشە كيلومەتر قالعاندا قۇلاعان.
ەل بيلىگىنىڭ مالىمەتتەرىنشە، Mitsubishi MU-2B-60 ۇشاعى ا ق ش- تىڭ جەكە مەنشىگىندە بولىپ، سوندا تىركەلگەن.
