استانادا اسكەريلەر اراسىندا الەمدىك بوكس قاعيداسى بويىنشا بوكستان تۋرنير وتۋدە - فوتو

استانا. قازاقپارات - بۇگىن استانادا «جاس ۇلان» رەسپۋبليكالىق مەكتەبىندە ق ر ق ك قۇرلىق اسكەرلەرىنىڭ بوكسىنان Ⅲ اشىق تۋرنير باستالدى.

تۋرنيرگە وفيتسەرلەر، كەلىسىمشارت بويىنشا اسكەري قىزمەتشىلەر، مەرزىمدى قىزمەتتەگى اسكەري قىزمەتشىلەر قاتىسا الادى.

«بوكس - بۇل ەلىمىزدەگى سۇرانىسقا يە سپورتتىڭ ءبىر ءتۇرى. بۇل سپورت تۇرىندە بىلعارى قولعاپ شەبەرلەرىمىز حالىقارالىق ارەنادا ۇلكەن جەتىستىكتەرگە قول جەتكىزدى. سپورتتىڭ اتالمىش ءتۇرى قارۋلى كۇشتەرىنىڭ جۇيەسىندە دە تانىمال بولىپ كەلەدى. بۇل ءتۋرنيردىڭ الدىندا بولىمدەر مەن قۇرامالاردا، وڭىرلىك قولباسشىلىقتاردا، تىكەلەي باعىنىستى بولىمدەردە ۇزدىك بوكسشىلاردى ىرىكتەۋ بويىنشا ۇلكەن جۇمىس اتقارىلدى. بۇگىندە ءبىز بوكستى عانا ەمەس، سونىمەن بىرگە قارۋلى كۇشتەرى قىزمەتكەرلەرىنىڭ دەنە دايارلىعىن تاماشالايمىز. سەبەبى، توزىمدىلىك - بۇل جاۋىنگەرلىك دايارلىقتىڭ، قارۋلى كۇشتەرىمىزدىڭ جاۋىنگەرلىك ازىرلىگىنىڭ ءبىر بولىگى»، - دەدى قۇرلىق اسكەرلەرى باس قولباسشىسىنىڭ جاۋىنگەرلىك دايارلىق جونىندەگى ورىنباسارىنىڭ مىندەتىن اتقارۋشى - ق ر ق ك ق ءا ب ق ب جاۋىنگەرلىك دايارلىق باس باسقارماسىنىڭ باستىعى گەنەرال- مايور ءسابيت قۇدايبەرگەنوۆ.

تۋرنير AIBA حالىقارالىق بوكس فەدەراتسياسىنىڭ حالىقارالىق ەرەجەلەرى بويىنشا وتكىزىلەدى. كوماندانىڭ قۇرامى - 10 ادام (8 سپورتشى، 1 وكىل جانە 1 تورەشى). سايىسقا 56، 60، 64، 69، 75، 81، 91 كەلىگە دەيىنگى جانە 91 كەلىدەن جوعارى سالماقتاعى قاتىسۋشىلار قاتىسا الادى.