ادام مىڭ رەت عاشىق بولۋى مۇمكىن، ءبىراق ءبىر-اق رەت قانا سۇيە الادى

استانا. قازاقپارات - الەكساندر كۋپرين - ايگىلى ورىس جازۋشىسى. ول كەيىنگى ۇرپاققا وشپەس مۇرا قالدىردى.

وت ءتىلدى، وراق اۋىزدى الەكساندر تۋرالى كونستانتين پاۋستوۆسكي:

«كۋپريننىڭ بيىك ادامگەرشىلىك قاسيەتى ءۇشىن، اسقاق دارىنى ءۇشىن، وتانىنا دەگەن شىنايى ماحابباتى ءۇشىن، حالقىنىڭ باقىتىنا دەگەن بەرىك سەنىمى ءۇشىن، ال ەڭ باستىسى بىزدەرگە قالدىرعان اسىل قازىناسى ءۇشىن العىس ايتۋىمىز كەرەك»، - دەيدى. ءبىز بۇگىن سىزدەردىڭ نازارلارىڭىزعا تالانتتى جازۋشىنىڭ قاناتتى سوزدەرىن ۇسىنىپ وتىرمىز.

1. ماحاببات قاشاندا تراگەديالى بولادى. ول ءومىردىڭ زاڭدىلىعى.

2. ماحابباتتاعى ايرىلىسۋ كادىمگى جەل مەن وت سياقتى. كىشكەنتاي ماحابباتتى وشىرەدى، ال ۇلكەن ماحابباتتى ودان دا قاتتى وشىرەدى.

3. ومىرىڭىزدەگى كەلىسپەۋشىلىكتەر، كەدەرگىلەر ماحابباتىڭىزعا زيانىن كەلتىرمەۋ كەرەك.

4. ماحاببات دەگەن - اقىلىڭىز بەن ويىڭىزدىڭ، جانىڭىز بەن قىزىعۋشىلىعىڭىزدىڭ ءبىر ارنادا توعىسۋى. سوندىقتان ول ەڭ ايگىلى سەزىم.

5. ەگەر ءسىز ادامدى شىنىمەن جاقسى كورسەڭىز، ەش نارسەسىنە دە قاراماي، شىن جۇرەگىڭىزبەن ءسۇيىڭىز. قۇلازىعاندا قۋانىشى، جىلاعاندا جۇبانىشى بولىپ، قاي كەزدە دە قاسىنان تابىلۋعا تىرىسىڭىز. سونداي كەزدە عانا پاك ماحاببات بولادى.

6. ادام مىڭ رەت عاشىق بولۋى مۇمكىن، ءبىراق ءبىر رەت قانا سۇيەدى.

7. بىرەۋگە ءبىر جاقسىلىق جاساپ، ودان بىردەن العىس كۇتۋگە بولمايدى.

8. كەيدە ءبىر جاماندىقتان كەيىن ەكىنشى جاماندىق كۇتىپ تۇرادى. الايدا وعان بولا ومىردەن ءتۇڭىلۋدىڭ كەرەگى جوق. ءالى الدا تالاي تاماشا كۇن تۋاتىنىنا سەنىڭىز.

9. سۋرەت سالۋعا، ءمۇسىن جاساۋعا، ءان ايتۋعا، ولەڭ شىعارۋعا قانشالىقتى تالانت كەرەك بولسا، ماحابباتقا دا سونشالىقتى تالانت كەرەك.

10. مەن تۋىلعان كەزدە قاتتى جىلادىم. ءبىراق مەن ءومىر ءسۇرىپ كەلە جاتقان ءار كۇن ماعان نە ءۇشىن جىلاعانىمدى ءتۇسىندىردى.

11. شىن سۇيە بىلەتىن بارلىق ايەل - پاتشايىم.

12. قورقاقتىق پەن السىزدىكتەن تۋىندايتىن وتىرىكتەردەن قاتتى ۇيالام.

13. جەر بەتىندەگى قىزداردىڭ بارلىعى دا ەرجۇرەك، نامىسقوي، ادال جىگىتتى ارماندايدى. جانە سونداي جىگىتتەر ءۇشىن بارىنە دە بارادى. ويتكەنى ءومىردىڭ ءمانى - ماحاببات.

14. ومىردە ەش نارسەدەن جۇرەكسىنبەي سۇڭگىڭىز. ول ءسىزدى الدامايدى. ءومىر كەرەمەت كارتينالارى، مىڭداعان بولمەسى، جارقىراعىن جارىعى، اقىلدى، اسەم، بيازى ادامدارى بار ءبىر ۇلكەن عيمارات سەكىلدى. ال وسى سارايدىڭ ەڭ ادەمى جەرىندە تۇرۋ ءۇشىن ءومىردىڭ بارلىق وتكەلدەرىنەن ءوتۋىڭىز كەرەك. ەرىنبەي ەڭبەك ەتكەن ادام عانا باقىتقا قول جەتكىزەدى.

15. ءار ماحابباتتىڭ وزىندىك دارالىعى بار.

الەكساندر كۋپرين ايتقان بۇل دايەكسوزدەر دە ءتالىم- تاربيە، تاعىلىم مول. سوندىقتان بۇل جازبانى مۇقيات وقىپ، دوستارىڭىزبەن ءبولىسۋدى ۇمىتپاڭىزدار.

 massaget.kz