الماتىدا «كەڭەس ەلدەرىنىڭ ونەرى» كورمەسى اشىلدى - فوتو

الماتى. قازاقپارات - بۇگىن الماتىدا ءا. قاستەيەۆ اتىنداعى ق ر مەملەكەتتىك ونەر مۋزەيىنىڭ ورتالىق كورمە زالىندا «كەڭەس ەلدەرىنىڭ ونەرى» اتتى كورمە اشىلدى.

«كەڭەس زامانى كەلمەسكە كەتتى. ءبىراق، ونەر قالدى عوي. ارينە، سۋرەتشىلەر سوتسياليستىك رەاليزم شەڭبەرىندە ەڭبەك ەتتى. سوتسرەاليزم اياسىندا ورتالىق ازيا مەن كاۆكاز ەلدەرىندە ۇلتتىق كەسكىندەمە ونەرى دامىدى. مۇنى جوققا شىعارۋعا بولمايدى. بۇل تۋىندىلاردان سۋرەتشىلەردىڭ ناعىز شەبەر ەكەندىكتەرىن بايقايمىز.

ولار جارقىن بولاشاققا سەنە وتىرىپ، سول كەزەڭدەگى احۋالدى ءدال بەرە بىلۋگە تىرىسقان. بۇل كارتينالار ءقازىر دە كوركەمدىك جانە كوممەرتسيالىق قۇندىلىققا يە»، - دەدى ءوز سوزىندە ءا. قاستەيەۆ اتىنداعى مەملەكەتتىك ونەر مۇراجايىنىڭ عىلىمي ساراپتاما ورتالىعىنىڭ جەتەكشىسى كاميللا لي.

بۇگىنگى كورمەگە «قارا گيۋرلا»، ياعني تۇرىك تىلىنەن اۋدارعاندا - «قارا نايزاعاي» دەپ اتالاتىن الماتىلىق جەكە انتيكۆارلىق سالوننىڭ 70-تەن استام كارتيناسى مەن ونداعان وتە سيرەك كەزدەسەتىن انتيكۆارلىق بۇيىمدارى قويىلدى.

سالوننىڭ يەسى حامزات قاراگيۋرلا بۇل توپتامانى 20 جىلعا جۋىق ۋاقىت جيناپتى. قازىر، ونىڭ توپتاماسىندا كەڭەس زامانىنا قاتىستى 700 دەن استام كارتينا بار.

كورمەگە ك س ر و- نىڭ بۇرىنعى وداقتاس رەسپۋبليكالارى - قازاق ك س ر- ى، قىرعىز ك س ر- ى، وزبەك ك س ر- ى، كۇنگەي كاۆكاز رەسپۋبليكالارى - گرۋزين ك س ر- ى مەن ارميان ك س ر- ىنىڭ سوتسياليزم داۋىرىندەگى تۋىندىلارى ۇسىنىلدى. ولاردىڭ ىشىندە قازاق ك س ر ەڭبەك سىڭىرگەن ونەر قايراتكەرلەرى - توقبولات توعىزبايەۆ پەن بوريس پاكتىڭ، قازاق ك س ر حالىق سۋرەتشىسى ناعىمبەك نۇرمۇحاممەدوۆتىڭ، ك س ر و سۋرەتشىلەر وداعىنىڭ مۇشەلەرى حامزا قيقىموۆ پەن ۆالەنتين تكاچەنكونىڭ، قىرعىزستاننان - قىرعىز بەينەلەۋ ونەرىنىڭ نەگىزىن سالعان ك س ر و حالىق سۋرەتشىسى سەرگەي چۋيكوۆتىڭ، ەڭبەك سىڭىرگەن مادەنيەت قايراتكەرى ۆيكتور تيۋريننىڭ، وزبەكستاننىڭ داڭقتى سۋرەتشىلەرى - پەتر موردۆينسەۆتىڭ، نىعمات كۇزىبايەۆتىڭ، ر. احمەدوۆتىڭ، گرۋزيانىڭ بەلگىلى شەبەرلەرى ر. تورديانىڭ، ميحايل حۆيتيانىڭ جانە باسقا دا سۋرەتشىلەردىڭ جۇمىستارى بار.

كورمە 15 -ساۋىرگە دەيىن جۇمىس ىستەيدى.

اۆتور: ايبوتا جاپپاربەرگەن