ولجاس سۇلەيمەنوۆ ۇلتتى مويىنداۋدان بارلىق ەل زارداپ شەگىپ جاتقانىن ايتتى

استانا. قازاقپارات - قوعام قايراتكەرى ولجاس سۇلەيمەنوۆ شىمكەنتكە كەلىپ، جۋرناليستەرگە سۇحبات بەردى.

ءوز سوزىندە شىرايلى قالاعا سوڭعى رەت ەكى جىل بۇرىن كەلگەنىن ايتىپ وتكەن بەلگىلى اقىن وڭتۇستىك قازاقستان وبلىسىنىڭ ورتالىعى سوڭعى جىلدارى كوركەيىپ، ەرەكشە وزگەرگەنىن جەتكىزدى. ءوز ءسوزىن «ءبىز بارلىعىمىز قازاقستاندىقتارمىز. وسىنى ەستەن شىعارماۋ كەرەك» دەپ باستاعان قوعام قايراتكەرى شىمكەنتكە كەلگەن ساپارى بارىسىندا ءوڭىردىڭ فارماتسيەۆتيكالىق سالاسىمەن تانىسقان.

«فارمزاۋىتتا بولدىم. نەگىزى مەنى وسى ءبىر پروبلەما قىزىقتىرادى. رەسەيمەن قاتار قازاقستاندى دا تۇرعىنداردى جەرگىلىكتى ءدارى-دارمەكپەن قامتاماسىز ەتۋ جايتى مازالايدى»، - دەدى و. سۇلەيمەنوۆ.

بۇدان وزگە تانىمال ساياسي تۇلعا ءبىزدىڭ كۇش -ۇلتتاردىڭ بىرلىگىندە ەكەنىن جاسىرمادى.

«كەز كەلگەن كوپۇلتتى مەملەكەت بيلىكتى ورتالىقتاندىرۋدىڭ ارقاسىندا امان قالادى. ۇلتتاردىڭ ءوزىن-ءوزى ايقىنداۋ قۇقىن مويىنداعانىمىزبەن، ونىڭ ىدىراتۋشى قۇقىق ەكەنى كورىنىپ وتىر. بۇدان قازىرگى تاڭدا بارلىق مەملەكەت زارداپ شەگىپ جاتىر»، - دەدى اقىن. (ليۋبوە منوگوناتسيونالنوە گوسۋدارستۆو ۋستويت دولگو، بلاگوداريا سەنتراليزاسيي ۆلاستي، دا. حوتيا مى پريزنايەم پراۆو ناسيي نا سامووپرەدەلەنيە، نو ەتو رازرۋشايۋشەە، كاك وكازالوس، پراۆو. وت ەتوگو سەيچاس ۆسە گوسۋدارستۆا سترادايۋت)

اقىن دەپ الاقانىمىزعا سالىپ جۇرگەن قايراتكەرىمىزدىڭ بۇنىمەن نە ايتقىسى كەلگەنىن تۇسىنبەدىك. ال ءسىز قالاي ويلايسىز؟

korrespondent.kz