جول بويىندا رادارمەن تىعىلىپ تۇراتىن پوليتسەيلەر جۇمىستان شىعارىلادى

استانا. قازاقپارات - جۇرگىزۋشىلەردەن تىعىلىپ، تاسا جەردەن رادارمەن تۇراتىن ايلاكەر جول پوليتسەيلەرى جۇمىستان شىعارىلادى.

بۇل تۋرالى بۇگىن ق ر ىشكى ىستەر مينيسترلىگى اكىمشىلىك پوليتسيا كوميتەتىنىڭ باسشىسى يگور لەپەحا ءمالىم ەتتى.

«ءبىز و باستان پوليتسەيلەرگە جۇرگىزۋشىلەردەن تىعىلماۋدى بۇيىرعانبىز. بۇل جەردە ءسوز پوليتسەيلەردىڭ زاڭدى ءىس- قيمىلىنا قاتىستى. اعاشتىڭ، دۋالدىڭ، بۇرىشتىڭ ارتىندا تىعىلىپ، كەيىن اتىپ شىعاتىن بولسا، وندا ءبىز ونداي ءىس- ارەكەتتەرگە جول بەرمەيمىز»، - دەپ اتاپ ءوتتى ي. لەپەحا ق ر ءى ءى م- دە وتكەن باسپا ءسوز ءماسليحاتىندا.

ونىڭ ءسوزى بويىنشا، وسىنداي ارەكەتتەر ءۇشىن ءبىرقاتار پوليتسيا قىزمەتكەرلەرى جۇمىستان شىعارىلعان. ولاردىڭ قاتارىندا كومانديرلەر دە بار.

«اتاپ ايتقاندا، ءبىز الماتى وبلىسىندا تەكسەرىس جاسادىق. ناتيجەسىندە، ءبىرقاتار پوليتسەي اتقارىپ جاتقان قىزمەتىنەن بوساتىلدى، ولاردىڭ قاتارىندا ءتىپتى باتالون كومانديرلەرى دە بار»، - دەيدى ول.

اۆتور: جاسۇلان جولدىبايەۆ