الماتىدا قازاقستان بويىنشا ەڭ بيىك كوزبەن شولۋ دوڭعالاعى پايدا بولادى
بۇل تۋرالى بۇگىن جۋرناليستەرمەن كەزدەسۋ بارىسىندا Astana Group پرەزيدەنتى نۇرلان سماعۇلوۆ مالىمدەدى.
«بۇل كوزبەن شولۋ دوڭعالاعى بيىكتىگى جونىنەن ت م د اۋماعىندا ەكىنشى ورىن الادى. ودان بيىك دوڭعالاق تەك ماسكەۋدەگى گوركي ساياباعىندا ورنالاسقان. ال ءبىزدىڭ كوزبەن شولۋ دوڭعالاعىمىز « Mega Alma-Ata » ورتالىعىنىڭ الدىنداعى الاڭدا ورنالاسادى. ونىڭ بيىكتىگى - 60 مەتر بولادى، ياعني 20 قاباتتىق تۇرعىن ءۇيدىڭ بيىكتىگىمەن تەڭ»، - دەدى ن. سماعۇلوۆ.
ونىڭ ايتۋىنشا، كوزبەن شولۋ دوڭعالاعى جىل ون ەكى اي جۇمىس ىستەيدى جانە ىڭعايلىلىعى ءارتۇرلى 40 كابينامەن جابدىقتالادى.
«قازىر جوبالاۋ جۇمىستارىمەن يتاليالىق كومپانيا اينالىسىپ جاتىر. ۇستىمىزدەگى جىلى شىلدە ايىندا كوزبەن شولۋ دوڭعالاعى ىسكە قوسىلىپ، قالامىزدىڭ كورىكتى ورىندارىنىڭ بىرىنە اينالادى دەگەن ويدامىن»، - دەدى كاسىپكەر.
اۆتور: ايبوتا جاپپاربەرگەن
