كۇندەلىك جازاتىندار تەز ارىقتايدى

 استانا. قازاقپارات - كۇندەلىك جازۋدى كۇن سايىنعى ادەتىن اينالدىرعان ادام ديەتا ۇستاعاندارعا قاراعاندا تەز ارىقتايدى ەكەن. ونىڭ سەبەبى مىنادا: كۇندەلىككە نە جەپ وتىرعانىن جازىپ وتىرادى.

زەرتتەۋشىلەر مۇنىڭ تەك ارىقتاۋعا عانا ەمەس، تاماققا دەگەن دۇرىس كوزقاراس قالىپتاستىراتىنىن ايتادى. زەرتتەۋ بارىسىندا مىناداي تاجىريبە جۇرگىزىلگەن ەكەن. ءبىر توپ ادامعا ىشكەن- جەگەنىن جانە سالماعىن، بويىن كۇندەلىكتى ولشەپ جازىپ وتىرعان. ال ەكىنشى توپ قالاۋىنشا ءىشىپ- جەي بەرەدى. تەك كۇندەلىككە جازبا قالدىرمايدى. ناتيجەسىندە كۇندەلىككە جازىپ جۇرگەن توپ باستاپقىدان تەز ارىقتاعان، ال ەكىنشى توپتا ايتارلىقتاي وزگەرىس بايقالماعان.

كۇنىگە جەگەن تاماعىڭىزدىڭ كالورياسىن ءبىلىپ وتىراسىز

تاعامنىڭ قۇرامىنداعى زاتتىڭ ءبارى ادامعا وڭ وزگەرىس اكەلە بەرمەيدى. قۇرامىندا قانتى بار تاعامدار قانت ديابەتىمەن اۋىراتىن ادامدارعا جاقپاۋى مۇمكىن. سول سەكىلدى ءىشىپ وتىرعان اسىڭىزدىڭ قۇرامىن ءبىلۋ كەرەك. ارتىق سالماق - ارىقتاي الماي جۇرگەندەر ءۇشىن ۇلكەن ۋايىم. «قىستىڭ قامىن جاز ويلا» دەمەكشى، «تاماق ءىشىپ بولعان سوڭ، قانشا سالماق قوسار ەكەنمىن؟ » دەپ ويلانىڭىز. سول ءۇشىن ەسەپپەن ءىشىڭىز. ازىق- تۇلىكتەردىڭ كالورياسى تۋرالى كەستەلەرگە قاراپ ءجۇرىڭىز.

ءوز تابەتىڭىزدى ءوزىڭىز تەجەيسىز

كەشە جەگەن اسىڭىزدى جازىپ وتىرىڭىز. جۇمىسقا بارا جاتقاندا جەگەن شوكولاد، استان كەيىن قورىتۋ ءۇشىن شايناعان ساعىز - ءبارىن ءتىزىپ جازىپ وتىرىڭىز. ءبىر ساعىزدىڭ وزىندە 9 كالوريا بار. ال ساعىز قورابىندا 10 ءتۇيىر بولادى دەپ ەسەپتەسەك، ءسىزدىڭ اعزاڭىزعا اپتاسىنا، كەمىندە، 90 كالوريا جايعاستى. كۇندەلىككە ءبارىن جازىپ وتىرساڭىز، مولشەرىنە قاراپ ءوزىڭىز ۇيالاتىن بولاسىز.

سىزگە نەنىڭ جاقپايتىنىن اڭعاراسىز

اعزاڭىزدا ءبىر وزگەرىستىڭ بارىن بايقاعان سوڭ، مازىرىڭىزدەگى قاتەلىكتەردى تۇسىنەتىن بولاسىز. وزىڭىزگە جاقپايتىن تاعامداردى الماۋعا تىرىساسىز.

اپتاسىنا 2-3 رەت تاڭعى اسقا بىردەي تاماق ىشسەڭىز، كالوريانى ساناۋعا وڭايعا سوعادى. كالوريانى ەسەپتەپ وتىرىپ، ءبىر اپتاعا قانشا سالماق قوسقانىڭىزدى نە قانشاعا ازعانىڭىزدى بايقايسىز.

massaget.kz