ورالدا ادەمىلىك سالونىندا ايەلدىڭ كوز جۇمۋىنا بايلانىستى كۇدىكتى ۇستالدى
باتىس قازاقستان وبىلىسى ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، اتالعان دەرەك بويىنشا ە. ەسىمدى كوسمەتولوگقا قاتىستى ق ر ق ك 317-بابى 3-بولىمىنە (مەديتسينا نەمەسە فارماتسيەۆتيكا قىزمەتكەرىنىڭ كاسىبي مىندەتىن ءتيىستى دارەجەدە ورىنداماۋى) سايكەس قىلمىستىق ءىس قوزعالدى.
كۇدىكتى ۇستالىپ، ب ق و ىشكى ىستەر دەپارتامەنتىنىڭ تەرگەۋ باسقارماسى تەرگەۋ امالدارىن جۇرگىزۋدە.
ب ق و دەنساۋلىق ساقتاۋ باسقارماسىنىڭ باسپا ءسوز حاتشىسى فليۋرا ساماتوۆانىڭ ايتۋىنشا، سۇلۋلىق سالونىندا العان ەكپەدەن سوڭ ايەلدىڭ ەكى بەتى كوگەرىپ كەتىپ، اياق استىنان ءوزىن جايسىز سەزىنگەن. ساعات 12.25-تە جەدەل جاردەم شاقىرتىلعان. الايدا 5 مينۋتتان كەيىن جەدەل جاردەم بريگاداسى كەلگەنشە، ايەل جان تاپسىرعان. دارىگەرلەر جانساقتاۋ شارالارىن جاساعانىمەن، ول ەش ناتيجە بەرگەن جوق.
***
ورال قالاسىنداعى سۇلۋلىق سالونىندا ماسكەۋلىك كوسمەتولوگ- دارىگەر ەلۆيرا يۋسۋپوۆا سالعان ەكپەدەن كوز جۇمعان كەلىنشەك باتىس قازاقستان وبلىستىق مەملەكەتتىك كىرىستەر دەپارتامەنتى باسشىسىنىڭ ايەلى، ال، سۇلۋلىق سالونىنىڭ يەسى وسى مەكەمە باسشىسى ورىنباسارىنىڭ زايىبى بولىپ شىقتى، - دەپ حابارلايدى «قامشى» پورتالى وڭىرلىك ب ا ق- تارعا سىلتەمە جاساپ.
NewTimes.kz باسىلىمىنىڭ جازۋىنشا، «شىعىس جۇلدىزى» ءسان سالونىنىڭ يەسى - وبلىستىق مەملەكەتتىك كىرىستەر دەپارتامەنتى باسشىسىنىڭ ورىنباسارى باۋىرجان قايداروۆتىڭ ايەلى بولسا، سالون قىزمەتىن پايدالانامىن دەپ كوز جۇمعان 39 جاستاعى كەلىنشەك باۋىرجان قايداروۆتىڭ باستىعى امانجول جاقانوۆتىڭ جۇبايى كورىنەدى. سۇلۋلىق سالونىنداعىلار كىسى ولىمىنە سەبەپ بولعان ەكپەنى ماسكەۋدەن كەلگەن كوسمەتولوگ- دارىگەر ەلۆيرا يۋسۋپوۆا سالعانىن حابارلاعان.
«ماسكەۋلىك دارىگەر ينەكتسيا جاسادى. سالماس بۇرىن الدىمەن، اللەرگياعا اسەرى تەكسەرىلدى. ەشقانداي اللەرگيا بولمادى. ءبىراق، ەكپە سالعان سوڭ كەلىنشەك قۇرىسىپ قالدى، اۋزىنان كوبىك اتقىلادى. ءبىز بىردەن جەدەل جاردەم شاقىردىق. ءبىزدىڭ سالوندا جالپى مۇنداي ەكپەلەر جاسالمايدى»، - دەگەن سالون اكىمشىسى.
