ماسكەۋدەگى «ورىس سۇلۋى» بايقاۋىنىڭ اقتىق كەزەڭىندە توسىن جايت ورىن الدى - فوتو
ۇلتتىق سايىستىڭ شەشۋشى ساتىندە 8 جاسار قازاق قىزى اقنۇر ماراتوۆا جەڭىمپاز اتاندى، دەپ حابارلادى Dni.ru.
قازاق قىزىنىڭ توميريس پاتشايىم كەيپىندەگى وبرازىنا تامسانعان قازىلار القاسى اقنۇردىڭ سۇلۋلىعىنا ءتانتى بولعان. ورىس ۇلتتىق بايقاۋىنىڭ مارەسىنە قازاق قاراكوزىنىڭ شىققانىنا ءبۇلدىرشىننىڭ اتا-اناسى دا تاڭدانىپ قالعان.
«ءوزىمىز دە ەسەڭگىرەپ قالدىق. تاجىريبە جيناۋ ءۇشىن كەلىپ ەدىك، كۇتپەگەن جەردەن جەڭىسكە جەتتىك. قايداعى «ورىس سۇلۋى»، ءبىز - قازاقپىز»، - دەدى گۇلنار وسپانوۆا.
سۇلۋلىق بايقاۋىنىڭ سوڭىندا ۆيتسە-ميني-ميسسكە ديپلوم بەرىلىپ، ءتاج كيگىزىلدى. قارجىلاي جۇلدەنى دە قانجىعاسىنا بايلاعان جەڭىمپاز كەلەشەكتە رەسەيلىك سۇلۋلىق بايقاۋلارىنا تەگىن قاتىسۋعا مۇمكىندىك الدى.
ايتسە دە، بايقاۋدىڭ رەسمي سايتىندا اقنۇر ماراتوۆانى ەسىمى كورسەتىلمەگەن. جەڭىمپاز رەتىندە ۆولكوۆا ارينانىڭ اتى جازىلعان.
