اسقاق سوزدەردىڭ - اس بولمايتىنىن اعايىندى كاسترولار تۇسىنگەن سىڭايلى
«ا ق ش- تىڭ لاتىن امەريكاسى ەلدەرىنىڭ اراسىندا بەدەلى وتە تومەن. وسى تۇرعىدان كەلگەندە ب. وبامانىڭ كۋباعا بارۋى - اسا ءساتتى ءارى بەرەرى دە مول ساپار» دەپ جازادى يسپان ساياساتتانۋشىسى ر. مادەرو.
ساياسات تانۋشىلاردىڭ ءبىرازى ا ق ش پەن كۋبا اراسىنداعى قارىم- قاتىناستى تۇزەۋگە «ا ق ش باستاماشى بولىپ وتىر» دەگەنگە ساياتىن پىكىر بىلدىرۋدە. شىن مانىندە، ەكى ەل اراسىنداعى قارىم- قاتىناستى جاڭعىرتۋعا كۋبا دا كەت ءارى ەمەس. ءدال قازىر كۋبادا ورتاشا جالاقى - بار بولعانى 20 دوللار. كۋبا حالقىنىڭ ۇشتەن ءبىر بولىگى ا ق ش- تاعى كۋبا يمميگرانتتارىنىڭ اي سايىن سالىپ جىبەرەتىن اقشاسىنا كۇن كورىپ وتىر. ك س ر و- نىڭ تۇسىندا كۋبالىقتاردىڭ كەۋدەسىنە نان پىسكەنى دە راس. قازىر كۋبالىقتاردىڭ كەۋدەسى باسىلىپ قالعان. كەدەيشىلىك، جوقشىلىق، تاپشىلىق كۋبالىقتاردىڭ ابدەن تيتىعىنا جەتىپ، دىڭكەلەتىپ ءبىتتى. بيىك ۇراننىڭ - نان بولمايتىنىن، اسقاق سوزدەردىڭ - اس بولمايتىنىن كۋبانى باسقارىپ وتىرعان اعايىندى كاسترولار دا تۇسىنگەن سىڭايلى.
كەيبىر ساياساتتانۋشىلاردىڭ ايتۋىنا سەنسەك، اعايىندى كاسترولار مۇنداعىعا دەيىن رەسەيگە ۇمىتتەنە قاراعان دا سياقتى. ك س ر و- نىڭ بىردەن- ءبىر مۇراگەرى رەتىندە. ءبىراق 2006 - جىلى رەسەي اي- شاي جوق: «كۋبا بىزگە 30 ميلليارد دوللار قارىز» - دەپ مالىمدەگەندە، كۋبا قاتتى تىكسىنىپتى. كۋبالىقتاردىڭ دالەلدەۋىنشە، كۋبا - رەسەيگە ەمەس، كەرىسىنشە رەسەي كۋباعا قارىز (50 ميلليارد دوللار).
ك س ر و- دان دا، ورىستان دا، كوممۋنيستەردەن دە ابدەن كوڭلى قالعان كۋبا قازىر، ەڭ ءبىرىنشى كەزەكتە، كورشى ەلدەرمەن ساۋدا- ساتتىقتى جاقسارتۋدى قولعا الا باستادى. «قۇلاننىڭ قاسۋىنا - مىلتىقتىڭ باسۋى»، باراك وباما دا كۋباعا ءدال وسىنداي كوڭىل- كۇيدى اڭعارىپ، ءبىلىپ كەلىپ وتىر. ساياسات تانۋشىلاردىڭ باسىم كوپشىلىگىنىڭ ايتۋىنشا، ا ق ش پەن كۋبانىڭ اراسىنداعى قارىم- قاتىناس ەندى جاندانا باستايدى.
ءامىر نۇرتاي ۇلى.
«جاس الاش» گازەتى
