قازاقستان قازىرگى زامانداعى وزەكتى ماسەلەلەردى شەشۋدەگى ب ۇ ۇ- نىڭ ءرولىن نىعايتۋدى جاقتايدى. - ق. توقايەۆ
دەپ حابارلادى سەناتتىڭ باسپا ءسوز قىزمەتى.
ب ۇ ۇ دامۋ باعدارلاماسىنىڭ تۇراقتى وكىلىمەن كەزدەسۋ كەزىندە ق. توقايەۆ قازاقستان مەن ب ۇ ۇ اراسىنداعى، ەڭ الدىمەن، پرەزيدەنت ن. نازاربايەۆتىڭ جاھاندىق قاۋىپسىزدىكتى جانە تۇراقتى دامۋدى قامتاماسىز ەتۋ جونىندەگى باستامالارىن ىسكە اسىرۋ بولىگىندەگى ىنتىماقتاستىقتىڭ كۇن ءتارتىبى مازمۇندى ەكەنىن اتاپ ءوتتى. قازاقستان قازىرگى زامانداعى وزەكتى ماسەلەلەردى شەشۋدەگى بۇۇ- نىڭ ءرولىن نىعايتۋدى جاقتايدى.
ب ۇ ۇ- نىڭ رەزيدەنت- ۇيلەستىرۋشىسى ب ۇ ۇ دامۋ باعدارلاماسىنىڭ قازاقستانداعى جوبالارى تۋرالى حاباردار ەتتى. ديپلومات ەلىمىزدەگى جاھاندىق ۇيىم ينستيتۋتتارىنىڭ جۇمىس ىستەۋى ءۇشىن جاسالعان جاقسى جاعدايعا ريزاشىلىق ءبىلدىردى، سونداي- اق ورنىقتى دامۋ سالاسىنداعى كۇن ءتارتىبىن ىسكە اسىرۋدا پارلامەنتپەن ءوزارا ءىس- قيمىلدى قولداۋ نيەتىن ءبىلدىردى.
ازەربايجان ەلشىسىمەن كەزدەسۋدە ق. توقايەۆ قازاقستان مەن ازەربايجان ارىپتەستىگىنىڭ ستراتەگيالىق سيپاتىن اتاپ ءوتتى. سەنات ءتوراعاسىنىڭ پىكىرىنشە، ەكى ەلدىڭ پارلامەنتشىلەرى ەكىجاقتى دەڭگەيدە دە، ت م د پ ا ا اياسىندا دا جەمىستى قىزمەت ەتىپ كەلەدى.
ازەربايجان ەلشىسى ەكى مەملەكەت اراسىنداعى جان- جاقتى ىنتىماقتاستىقتى نىعايتۋعا ىقپال ەتۋ نيەتىن جەتكىزدى. كاسىپكەرلەر اراسىنداعى بايلانىستاردى ورىستەتۋ، كاسپييدەگى ءوزارا ءىس- قيمىلدى دامىتۋ، ترانزيت- تاسىمال سالاسىنداعى ىنتىماقتاستىقتى نىعايتۋ جايىندا اڭگىمە بولدى.
اۆتور: سەرىك قاراجان
