بەتتى اعارتۋدىڭ جولدارى

استانا. قازاقپارات - بەت تەرىسىندەگى پيگمەنتتى داقتار - كوپتەگەن قىز-كەلىنشەكتىڭ باستى ماسەلەلەرىنىڭ ءبىرى.

سوندىقتان ارۋلار داقتان ارىلۋدىڭ جولدارىن قاراستىرىپ، بەتىنە ءتۇرلى ماسكالار جاساپ، كرەمدەر جاعاتىنى دا ءسوزسىز. ال كوپ جاعدايدا ولاردىڭ ناتيجەسى كوڭىل قۋانتا بەرمەيدى. سوندىقتان ماسكالاردىڭ دا ۇزدىگىن تاڭداۋ كەرەك.

پيگمەنتتى داقتاردىڭ پايدا بولۋ سەبەپتەرى دە ءارتۇرلى: گورمونالدى وزگەرىستەر، جۇكتىلىك، كۇن ساۋلەسىنىڭ اسەرى، انتيبيوتيكتەر قابىلداۋ سالدارى، ساپاسىز كوسمەتيكا جانە تاعى باسقا.

كارتوپتان دايىندالاتىن اعارتۋشى ماسكا، سونىمەن قاتار، بەت تەرىسىن جۇمسارتىپ، بەزەۋلەردىڭ الدىن الادى. ال ونىڭ اسەرىن جاقسارتۋ ءۇشىن وزگە دە ينگرەديەنتتەرمەن تولىقتىرۋعا بولادى. بۇل ماسكانىڭ پايداسى، قولدانۋى جونىندە كامشات جولدىبايەۆا دا بولىسكەن بولاتىن.

ليمون شىرىنى قوسىلعان كارتوپ ماسكاسى

تازارتىلعان كارتوپتى ۇككىشتىڭ ۇساق كوزىنەن وتكىزىڭىز. سۋىن سىعىپ تاستاپ، كارتوپقا 1 اس قاسىق ليمون شىرىنىن قوسىڭىز. جاقسىلاپ ارالاستىرىپ، ماسكانى بەتكە جاعىڭىز. 15 مينۋتتان كەيىن جىلى سۋمەن جۋىڭىز.

ءسابىز قوسىلعان كارتوپ ماسكاسى

تازارتىلعان كارتوپ پەن كىشىگىرىم ءسابىزدى ۇككىشتىڭ ۇساق كوزىنەن وتكىزىڭىز. كارتوپتىڭ سۋىن سىعىپ، بولەك ىدىسقا قۇيىڭىز. كارتوپتى سابىزبەن ارالاستىرىڭىز. دايىن قوسپانى بەتكە جاعىڭىز. بولەك ىدىسقا قۇيىپ العان كارتوپ شىرىنىنا سالفەتكانى مالىپ الىپ، ماسكانىڭ بەتىنە جابىڭىز. 25 مينۋتتان كەيىن سالقىن سۋمەن جۋىڭىز.

پياز شىرىنى قوسىلعان كارتوپ ماسكاسى

تازارتىلعان كارتوپتى ۇككىشتىڭ ۇساق كوزىنەن وتكىزىڭىز. سۋىن سىعىپ تاستاڭىز. ءدال سول سەكىلدى ورتاشا پيازدىڭ ½- ءىن ۇساق كوزدى ۇككىشتەن وتكىزىپ، شىرىنىن ءسۇزىپ الىڭىز. بۇل شىرىندى كارتوپپەن ارالاستىرىپ، بەتكە جاعۋ كەرەك. بەتىڭىزدى 10 مينۋتتان سوڭ جىلى سۋمەن جۋىڭىز. ەگەر بۇل ماسكانى بەتكە جاققاندا قانداي دا ءبىر جايسىزدىقتى (قىشۋ، اشۋ، قىزارۋ) سەزىنسەڭىز، بىردەن بەتتى جۋعانىڭىز ءجون.

massaget.kz