رەسەيلىك ايەل التى جاسار بالاسىن «جۇماققا اتتاندىرۋ ءۇشىن» اياۋسىز ءولتىردى
تەرگەۋ مالىمەتتەرىنە سايكەس، 27- ناۋرىز كۇنى پلاستوۆسكي اۋدانى ستەپنوە اۋىلىنىڭ تۇرعىنى، 39 جاستاعى ايەل 6 جاسار ۇلىنىڭ موينىنا كوپتەگەن پىشاق جاراقاتتارىن سالعان. اۋىر جاراقاتتان بالا ءتىل تارتپاي كەتكەن.
«ايەلدىڭ ايتۋىنشا، تۇندە ول بالانىڭ جۇماقتا بولۋى كەرەكتىگىن ايتقان وعاش داۋىستار ەستىگەن. ساراپتاما ايەلدىڭ اعزاسىن تەكسەرۋ بارىسىندا، ونىڭ ماريحۋانا شەككەنىن انىقتاعان»، - دەيدى تەرگەۋ باسقارماسىنىڭ وكىلى.
بۇگىندە ايەلدىڭ ۇستىنەن قىلمىستىق ءىس قوزعالدى.
ايتا كەتەرلىگى، 2012-جىلدىڭ قاراشاسىندا ماسكەۋدە سەكتاعا كىرگەن ەر ادام بالالارى مەن ەنەسىن «جۇماققا اتتاندىرۋ ءۇشىن» ولتىرگەن بولاتىن.
ولاردىڭ تاماعىن كەسىپ، كەيىن ايەلىن جانە ءوزىن ءولتىرۋدى جوسپارلاعان ازاماتتى ويىن سوڭىنا دەيىن جۇزەگە اسىرماي جاتىپ قۇرىقتاعان. ەر ادامنىڭ ايەلى عانا امان قالعان.
