مانەرلەپ سىرعاناۋدان الەم چەمپيوناتى: قازاقستان نامىسىن دەنيس تەن، ەليزابەت تۇرسىنبايەۆا سىندى سپورتشىلار قورعايدى

استانا. قازاقپارات - 28- ناۋرىز كۇنى امەريكانىڭ بوستون قالاسىندا باستالعان مانەرلەپ سىرعاناۋدان الەم چەمپيوناتىندا قازاقستان ءۇش كاتەگوريادا ونەر كورسەتەدى: ەرلەردىڭ مانەرلەپ سىرعاناۋى، ايەلدەردىڭ مانەرلەپ سىرعاناۋى جانە مۇزداعى ءبي.

العاشقى ەكى كۇن سپورتشىلاردىڭ دايىندىعىنا ارنالعان. جارىس 30- ناۋرىز كۇنى بيشىلەردىڭ مۇزداعى قىسقا باعدارلاماسىنان باستالادى. قازاقستاننىڭ نامىسىن 24 جاستاعى دارىن ءجۇنىسوۆ پەن 18 جاستاعى اناستاسيا حروموۆا قورعايدى. جارىستى تىكەلەي ەفير ارقىلى استانا ۋاقىتى بويىنشا ساعات 20:35 تە KazSport تەلەارناسى كورسەتەدى.

31- ناۋرىز كۇنى ساعات تاڭعى 4:05 تە ەرلەر اراسىندا قىسقا باعدارلاما جارىستارى وتەدى، مۇزعا سوچيدەگى وليمپيادا ويىندارىنىڭ قولا جۇلدەگەرى دەنيس تەن شىعادى. سول كۇنى ساعات 22:00 دە ايەلدەر اراسىنداعى جارىستار باستالىپ، وندا قازاقستاننىڭ نامىسىن 16 جاسار ەليزابەت تۇرسىنبايەۆا قورعاماق.

ەركىن باعدارلاما:

1- ءساۋىر - 5.20 مۇزداعى ءبي

2- ءساۋىر - 4.35  ەرلەر

3- ءساۋىر - 4.50 ايەلدەر