الماتىدا «كەڭەس وداعى ەلدەرىنىڭ ونەرى» كورمەسى اشىلادى - فوتو
«2017 -جىلى قازان توڭكەرىسىنە ءجۇز جىل تولادى. جىل وتكەن سايىن بۇل ءداۋىر ارتتا قالىپ بارادى، ءبىراق ونىڭ ساياسي- الەۋمەتتىك، مادەنيەتتانۋشىلىق، فيلوسوفيالىق قۇنى ءالى دە ءوز باعاسىن العان جوق. وسىعان بايلانىستى، «كارا گيۋرلا» انتيكۆارلىق سالونى ك س ر و- نىڭ بۇرىنعى وداقتاس رەسپۋبليكالارى - قازاق ك س ر- ى، قىرعىز ك س ر- ى، وزبەك ك س ر- ى، كۇنگەي كاۆكاز رەسپۋبليكالارى - گرۋزين ك س ر- ى مەن ارميان ك س ر- ىنىڭ سوتسياليزم داۋىرىندەگى تۋىندىلارىنىڭ كورمەسىن، ءدال كەڭەس كەزەڭىندە قالىپتاسقان ۇلتتىق بەينەلەۋ ونەرى مەكتەپتەرىن ۇسىنادى»، - دەپ حابارلايدى ءا. قاستەيەۆ اتىنداعى ق ر مەملەكەتتىك ونەر مۋزەيىنىڭ باسپا ءسوز قىزمەتى.
شىعارماشىلىق ءتاسىلدىڭ جالپى رەسميلىگىنە قاراماستان، ءاربىر ۇلتتىق مەكتەپ عاسىرلار بويى دۇنيەتانىمدىق جانە ەستەتيكالىق داستۇرلەرمەن شىڭدالعان ۇلتتىق مادەنيەتكە بايلانىستى ءوز ءستيلىن، ءوزىنىڭ كوركەم- بەينەلىك جۇيەسىن جاساپ شىعارعانى بەلگىلى.
كورمەدە قازاقستاننىڭ كوركەمدىك مەكتەبىن قازاق كسر ەڭبەك سىڭىرگەن ونەر قايراتكەرلەرى توقبولات توعىزبايەۆ پەن بوريس پاكتىڭ، قازاق ك س ر حالىق سۋرەتشىسى ناعىمبەك نۇرمۇحاممەدوۆتىڭ، ك س ر و سۋرەتشىلەر وداعىنىڭ مۇشەلەرى حامزا قيقىموۆ پەن ۆالەنتين تكاچەنكونىڭ، قىرعىزستاننان - قىرعىز بەينەلەۋ ونەرىنىڭ نەگىزىن سالعان ك س ر و حالىق سۋرەتشىسى سەرگەي چۋيكوۆتىڭ، ەڭبەك سىڭىرگەن مادەنيەت قايراتكەرى ۆيكتور تيۋريننىڭ، وزبەكستاننىڭ داڭقتى سۋرەتشىلەرى - پەتر موردۆينتسيەۆتىڭ، نىعمات كۇزىبايەۆتىڭ، ر. احمەدوۆتىڭ، گرۋزيانىڭ بەلگىلى شەبەرلەرى ر. تورديانىڭ، ميحايل حۆيتيانىڭ جانە باسقا دا سۋرەتشىلەردىڭ جۇمىستارى كورسەتىلەدى.
كورمە 29 -ناۋرىزدا ساعات 17:00 دە اشىلادى.
اۆتور: ايبوتا جاپپاربەرگەن
