الماتىدا ق ر اقپاراتتاندىرۋ جانە بايلانىس كوميتەتىنىڭ ەكس-باسشىلارى ءۇي قاماققا الىندى

الماتى. قازاقپارات - الماتىدا ق ر ينۆەستيتسيالار جانە دامۋ مينيسترلىگى اقپاراتتاندىرۋ جانە بايلانىس كوميتەتىنىڭ ەكس-باسشىلارىنا قاتىستى ءۇي قاماققا الۋ تۇرىندە جۇزەگە اساتىن بۇلتارتپاۋ شاراسى قابىلداندى.

بۇل تۋرالى قالالىق سوتتىڭ باسپا ءسوز حاتشىسى دياس مىرزاحمەتوۆ حابارلادى.

مەدەۋ اۋداندىق سوتىنىڭ شەشىمەن «قازاق تەلەكوم» ا ق باسشىسى باتىر ماحامبەتاجيەۆ، كوميتەتتىڭ بۇرىنعى باسشىسى بولات بەرسەبايەۆ، ونىڭ ورىنباسارى بەك ارپابايەۆ ەكى ايعا ءۇي قاماققا الىندى.

ولار ءىس سوت قاراۋىنا جەتكەنشە، ياعني 25- مامىرعا دەيىن باقىلاۋدا بولادى.

ايتا كەتۋ كەرەك، ق ر اقپاراتتاندىرۋ جانە بايلانىس كوميتەتىنىڭ بىرنەشە لاۋازىمدى تۇلعالارى مەن «قازتاگ» ح ا ا، «قازاق تەلەكوم» وكىلدەرى اسا ءىرى كولەمدە مەملەكەت قارجىسىن جىمقىردى دەگەن كۇدىكپەن ۇستالعان بولاتىن.

تەرگەۋ 160 ميلليون كولەمىندە قارجى قولدى بولعانىن انىقتادى. بۇل قارجى 2010-2015-جىلدارداعى مەملەكەتتىك ساياساتتى اقپاراتتىق قولداۋعا باعىتتالعان بولاتىن.

اۆتور: گۇلميرا عوسمانالي