جامبىل وبلىسىنداعى اسكەري بولىمدەردىڭ جاۋىنگەرلىك ازىرلىگىنە شۇعىل تەكسەرۋ جۇرگىزىلدى
دەپ حابارلايدى ق ر ق م باسپا ءسوز قىزمەتى.
اتالعان اسكەري شارا بارىسىندا قورعانىس ۆەدومستۆوسىنىڭ باسشىسى يمانعالي تاسماعامبەتوۆ 03811 (قۇلان اۋىلى)، 91678 (باۋىرجان مومىش ۇلى اۋىلى)، 85395 (تاراز قالاسى) اسكەري بولىمدەرىنىڭ جانە «تەرىس- اشىبۇلاق» پوليگونىنىڭ جاۋىنگەرلىك ازىرلىگى مەن قابىلەتتىلىنىڭ دەڭگەيىن تەكسەردى. بۇل بولىمشەلەر بەلگىلەنگەن ۋاقىت مەرزىمىندە «تەرىس- اشىبۇلاق» پوليگونىنا جينالىپ، قويىلعان مىندەتتەردى ورىندادى.
سونداي اق، جىلجىمالى باسقارۋ پۋنكتى، بايلانىس جەلىسى جانە باسقا دا قۇرىلىمدار ورناتىلدى. 85395 اسكەري بولىمىندە (تاراز قالاسى) تەكسەرىستىڭ قورىتىندىسى شىعارىلىپ، وندا بولىمدەردىڭ جيناقىلىعى مەن ۇتقىرلىعى جانە ولاردىڭ بەلگىلەنگەن ارا- قاشىقتىقتى جەدەل ەڭسەرۋ مۇمكىندىگى تەكسەرىلدى.
كەنەتتەن بولعان تەكسەرىستىڭ باستى ماقساتى اسكەري بولىمدەر مەن ونىڭ قۇرىلىمدارىنىڭ توتەنشە جاعدايلار بولعان، لاڭكەستىك ارەكەتتەر قاۋپى تونگەن كەزدەگى ۇيلەسىمدى ارەكەتىن باعالاۋ، سۋلى جانە تاۋلى اۋماقتاعى تاپسىرمالاردى ورىنداۋ بولىپ تابىلادى. تەك وسىنداي تەكسەرىس شارالارىنىڭ نەگىزىندە جاۋىنگەرلىك دايارلىقتىڭ دەڭگەيىن، بەلگىلەنگەن اۋماققا شوعىرلانۋداعى كومانديرلەر ءىس ارەكەتىنىڭ تيىمدىلىگىن ايقىنداۋعا بولادى.
