گولوۆكيندى ايقاسقا شاقىرعان كەلل برۋك، قارسىلاسىن نوكاۋتقا ءتۇسىردى - كەسكىن

استانا. قازاقپارات - IBF نۇسقاسى بويىنشا جارتىلاي ورتا سالماقتاعى الەم چەمپيونى بريتاندىق بوكسشى كەلل برۋك (36-0, 25 ك و) ءوز تيتۋلىن ءساتتى قورعادى.

شەففيلدتە (ۇلى بريتانيا) Sheffield Arena دا وتكەن باستى ايقاستا 29 جاستاعى كەلل برۋك 31 دەگى كانادالىق كيەۆين بيزەمەن (25-3, 17 ك و) كەزدەستى. جەكپە-جەك ەكىنشى راۋندتا بريتاندىقتىڭ جەڭىسىمەن اياقتالدى. ول قارسىلاسىن سۇلاتىپ سالدى، دەپ حابارلايدى Vesti.kz.

ەسكە سالا كەتسەك، بۇدان بۇرىن برۋك WBA (Super) ، IBO، WBC (Interim) جانە IBF نۇسقالارى بويىنشا ورتا سالماقتاعى الەم چەمپيونى قازاقستاندىق گەننادي گولوۆكينمەن (34-0, 31 ك و) ايقاسقا دايىن ەكەندىگىن مالىمدەگەن بولاتىن. بۇل ءۇشىن ول سالماعىن كوتەرۋگە دە ءازىر.