الماتىدا جاپون مادەنيەتىنىڭ فەستيۆالى ءوتتى - فوتو

الماتى. قازاقپارات- بۇگىن الماتىدا ق ر ورتالىق مەملەكەتتىك مۋزەيىندە جاپونيا ەلىنىڭ مادەنيەتى فەستيۆالى ءوتتى. وندا الماتىلىقتار كۇنشىعىس ەلىنىڭ ونەرى جانە سالت- داستۇرلەرىمەن جاقىن تانىستى.

 وسى ورايدا مۋزەي قابىرعاسىندا ءداستۇرلى تۇردە جاپون ەلىنىڭ ماڭىزدى تاريحي كەزەڭدەرى، كيىم ۇلگىسى، قولونەر بۇيىمدارى جايىندا جەكەلەگەن كورمەلەر ۇيىمداستىرىلدى.

 «جاپونيا مادەنيەتىنىڭ فەستيۆالى قازاقستاندا وسىمەن 10- رەت وتكىزىلىپ وتىر. ول ءداستۇرلى تۇردە وسى ناۋرىز ايىندا ۇيىمداستىرىلادى. شارانىڭ باستى ماقساتى - قالا تۇرعىندارى مەن قوناقتارىن كۇنشىعىس ەلىنىڭ مادەنيەتى، سالت- ءداستۇرى جانە ادەت- عۇرىپتارىمەن جاقىن تانىستىرۋ»، - دەدى قازاقستان- جاپونيا ورتالىعىنىڭ ديرەكتورى جانار ورازعاليەۆا.

فەستيۆالگە كەلۋشىلەر الدىمەن جاپون دابىلشىلارىنىڭ تايكو دەپ اتالاتىن ۇلتتىق اسپاپتاعى ونەرىن، سونداي- اق، كەندو - سەمسەرلەسۋ شەبەرلەرىنىڭ ونەرىن تاماشالادى.

 «فەستيۆال اياسىندا وسى مۋزەيدە ساندىك- قولدانبالى ونەر، وريگامي، ماتالاردى بوياۋعا جانە ورنەكتەۋگە ارنالعان قاعاز ترافارەت، يەروگليف جازۋ، جاپونداردىڭ ۇلتتىق تاعامدارىن جانە شاي ازىرلەۋ ءراسىمى بويىنشگا شەبەرلىك سىنىپتارى بولادى»، - دەدى ج. ورازعالييەۆا.

 ايتا كەتەلىك، اتالمىش ءىس- شارا جاپونيانىڭ قازاقستانداعى ەلشىلىگىنىڭ قولداۋىمەن وتكىزىلدى.