08:43, 28 - ناۋرىز 2016 | GMT +5
مارستا تۋرا جەردەگى ءتارىزدى وزەندەر بولعان
استانا. قازاقپارات - امەريكالىق ايەروعارىش اگەنتتىگى مارستاعى قۇرعاپ قالعان وزەننىڭ ساعاسىنىڭ سۋرەتىن جاريالادى. سۋرەت اۆتوماتتاندىرىلعان وربيتالىق ستانسا ارقىلى ءتۇسىرىلدى، دەپ حابارلادى «روسسيا 24» تەلەارناسى.
عالىمداردىڭ ايتۋىنشا، بۇل سۋرەتتەر مەن ودان الىنعان مالىمەتتەر قىزىل پلانەتادا بۇرىن بولعان وزەن جۇيەسىن زەرتتەۋگە كومەكتەسەدى.
جارتى جىل بۇرىن ناسا مارستا وزەندەر تابىلعانىن جاريالاعان. دالىرەك ايتقاندا، سەلسيا بويىنشا مينۋس 70 گرادۋس سۋىقتا دا قاتپايتىن تۇزدى سۇيىقتىق جايلى ايتىلعان ەدى. ولاردىڭ مالىمەتىنشە، وزەندەر ماۋسىمعا بايلانىستى پايدا بولادى.
