ا ق ش جاڭا مەتەورولوگيالىق سپۋتنيگىنەن ايىرىلىپ قالدى

استانا. قازاقپارات - ا ق ش جاڭا مەتەورولوگيالىق سپۋتنيگىنەن ايىرىلىپ قالدى. اپپاراتپەن بايلانىس 11- اقپاندا ۇزىلگەنىمەن، ول تۋرالى جاقىندا عانا جاريالاندى، دەپ حابارلايدى Space News باسىلىمى.

«كولورادو شتاتىنداعى اۋە كۇشتەرىنىڭ بازاسىنداعى 50-عارىش مەكەمەسىنىڭ وپەراتورلارى قورعانىس-مەتەورولوگيالىق باعدارلامىنىڭ 19-جەرسەرىگىن قايتا باقىلاۋعا الۋ ارەكەتىن ءبىرجولاتا توقتاتتى»، - دەلىنگەن امەريكانىڭ عارىش كۇشتەرىنىڭ وكىلى ەندي روۋكتىڭ حابارلاماسىندا.

Lockheed Martin كومپانياسى ازىرلەگەن عارىش اپپاراتى اسكەري وپەراتسيالارعا كەدەرگى كەلتىرەتىن تۇمان ءتۇسۋىن بولجايدى. ول 2014-جىلى وربيتاعا شىعارىلعان، بەس جىل جۇمىس ىستەۋى ءتيىس ەدى.

ەلدىڭ قورعانىس- مەتەورولوگيالىق باعدارلاماسى بۇلتتار كوشكىنىن باقىلاۋ ءۇشىن وربيتادا ەكى نەگىزگى، ەكى قوسىمشا سپۋتنيكتى قاجەت ەتەدى. عارىش اپپاراتىنىڭ ىستەن شىعۋى سالدارىنان اسكەريلەر ون جىل بۇرىن ۇشىرىلعان، قازىر ءوشىرىلىپ تۇرعان 17- سپۋتنيگىمەن جۇمىس ىستەي باستادى.