استانا مەن ءابۋ-دابي باۋىرلاس قالالار بولادى

ءابۋ-دابي. قازاقپارات - تاياۋداعى ۋاقىتتا بىرىككەن اراب امىرلىكتەرىنىڭ ەلورداسى استانامەن ارىپتەستىك قاتىناستار ورناتۋعا نيەتتى.

بۇل تۋرالى ق ر- ءنىڭ ب ا ءا- دەگى ەلشىسى قايرات لاما شاريفپەن كەزدەسۋ بارىسىندا مۋنيتسيپاليتەت ىستەرى بويىنشا دەپارتامەنتتىڭ باسشىسى (ءابۋ-دابي قالاسىنىڭ مەرى) اۆايدا مۋرشەد ءال مارار ءمالىم ەتتى.

قالالار اراسىنداعى باۋىرلاستىق بايلانىستار ەكىجاقتى قاتىناستاردى دامىتۋدىڭ ءتيىمدى قۇرالى بولىپ تابىلادى. قالالار اراسىنداعى مۋنيتسيپالدىق ارىپتەستىك ساۋدا-ەكونوميكالىق، ينۆەستيتسيالىق، مادەني-گۋمانيتارلىق بايلانىستاردى نىعايتۋعا جاردەمدەسەتىن بولادى.

ق ر ەلشىسى ق. لاما شاريف قازىرگى كەزدە استانانىڭ 42 باۋىرلاس قالالارمەن جانە ارىپتەستەرمەن شارتتىق قاتىناستارى جولعا قويىلعانىن اتاپ كورسەتتى.

ەكى استانا اراسىنداعى تۋىسقاندىق قاتىناستارىنىڭ ايعاعى - قازىردىڭ وزىندە استانادا سالىنىپ جاتقان كوپفۋنكتسيونالدى «ءابۋ-دابي پلازا» كەشەنىنىڭ جانە شەيح حاليفا اتىنداعى قازاق-امىرلىك زياتكەرلىك ورتا مەكتەبىنىڭ قۇرىلىسى. استانا مەن ءابۋ-دابيدىڭ جەمىستى ىنتىماقتاستىعىنىڭ كورىنىسى 2015-جىلعى 28- قازاندا استانادا العاشقى قازاقستاندىق- امىرلىك بيزنەس- فورۋمى جانە وسى جىلعى 16- اقپاندا ب ا ءا استاناسىندا ءابۋ-دابي ساۋدا-ونەركاسىپتىك پالاتاسى مەن استانا قالاسى اكىمدىگىنىڭ ەكىنشى قازاقستاندىق-امىرلىك «ب ا ءا جانە قازاقستان: ءبىر-بىرىنە قاراي قوزعالىس» بيزنەس- فورۋمنىڭ ءوتۋى بولدى.

ءابۋ-دابي مۋنيتسيپاليتەتى ىستەرى جونىندەگى دەپارتامەنت بىرىككەن اراب امىرلىكتەرىنىڭ جەرگىلىكتى ءوزىن-ءوزى باسقارۋ ورگانى. ءابۋ-دابي مۋنيتسيپاليتەتى 1962-جىلى قۇرىلعان بولاتىن. 1969-جىلى ب ا ءا پرەزيدەنتىنىڭ جارلىعىمەن قالانىڭ العاشقى مۋنيتسيپالدىق كەڭەسى تاعايىندالدى.

دەپارتامەنت حالىققا كەشەندى قىزمەت كورسەتۋگە، ءتيىستى جوسپارلاۋدى قامتاماسىز ەتۋگە، سونداي-اق جول جەلىلەرىن، قالاعا تەحنيكالىق قىزمەت كورسەتۋگە، اۋىل شارۋاشىلىعىن دامىتۋعا جانە ءارتۇرلى سالالارداعى قوعامدىق نارىقتاردى قۇرۋدى رەتتەۋگە جاۋاپ بەرەدى.