استانادا كەڭەس دۇيسەكەيەۆتىڭ شىعارماشىلىق كەشى ءوتتى

استانا. قازاقپارات - قازاقستاننىڭ ەسترادا جۇلدىزدارى كەشە استاناداعى كەڭەس دۇيسەكەيەۆتىڭ شىعارماشىلىق كەشىندە باس قوستى.

تانىمال كومپوزيتور بيىل 70 جاستا. وسىعان وراي ەلىمىزدىڭ ورتالىق كونسەرت زالىندا ونىڭ «سالەم ساعان، تۋعان ەل»، «عاشىقتار جىرى»، «قاراعىم- اي» سىندى قۇلاق قۇرىشىن قاندىرار اۋەزدى اندەرى ورىندالدى.

 قازىرگى تاڭدا كەڭەس دۇيسەكەيەۆتىڭ شوقتىعى بيىك 200-دەن استام شىعارماسى بار. بۇعان قوسا، ونىڭ قولتاڭباسى فيلمدەردىڭ ساۋندترەگى مەن تەاتر قويىلىمدارىنىڭ اۋەندەرىندە ءجيى كەزدەسەدى. ال اۆتوردىڭ ءوزى شىعارماشىلىعىنىڭ مۇنىمەن شەكتەلمەيتىنىن ايتادى.

 كەڭەس دۇيسەكەيەۆ، كومپوزيتور:

 - ول شىعارماشىلىق قوي. شۇكىر ازىرگە. ەشقانداي قينالىس جوق. ءجۇرىپ جاتىر. ادامدا وي بولسا، يدەيا بولسا، ءبارى ىسكە اسادى دەپ ويلايمىن. سوندىقتان الدا جوسپارلار كوپ.

www.24.kz