قازاقستاندىق كومپانيا رەسەيدىڭ كەسىرىنەن موڭعولياعا ۇشا الماي وتىر

استانا. قازاقپارات - قازاقستاندىق «Air Astana»  كومپانياسى استانادان ۇلان- باتورعا العاشقى ۇشاقتى  27 - ناۋرىزدا اتتاندىرۋدى جوسپارلاعان بولاتىن. باعىتتىڭ 300 شاقىرىمى رەسەيدىڭ اسپانى ارقىلى وتەدى.

حالىقارالىق جانە مەملەكەت ارالىق كەلىسىمدەردىڭ ءبىر- ءبىرىنىڭ اۋە كەڭىستىگىن تەگىن كەسىپ وتۋگە رۇقسات بەرەتىنىنە قاراماستان، «روس اۆياتسيا» «Air Astana»  كومپانياسىنان ليسەنزيالىق سىياقى تولەۋدى تالاپ ەتىپ وتىر.  

 ۇلتتىق وپەراتوردىڭ حابارلاۋىنشا، رەسەي اۋە تاسىمالداۋشىلارى اپتاسىنا قازاقستان ارقىلى تەگىن 640 رەيس جاسايدى ەكەن. بۇل قازاقستاندىق اۋە كومپانيالارىنىڭ رەسەي اۋماعىنان ۇشقانىنان 30 ەسە كوپ. وسى كەلىسپەۋشىلىك سالدارىنان جاڭا باعىتتىڭ تاعدىرى بەلگىسىز بولىپ تۇر.

https://kaznews.kaztrk.kz