باس كولىك پروكۋراتۋراسى استانادا ۇشاقتىڭ اپاتتى جاعدايدا قونۋىنا قاتىستى تۇسىنىكتەمە جاسادى

استانا. قازاقپارات - «بەك ەير» (Bek Air) اق اۆياكومپانياسىنىڭ اۋە كەمەسىنىڭ استانادا اپاتتى جاعدايدا قونۋىنا، الدىن الا مالىمەت بويىنشا، شاسسيدەگى اقاۋلىق سەبەپ بولدى،

دەپ حابارلادى قازاقستان رەسپۋبليكاسى باس كولىك پروكۋراتۋراسىنىڭ باسپا ءسوز قىزمەتىنەن.

ساعات 10:36 استانا اۋەجايىنا «بەك ەير» (Bek Air) ا ق اۆياكومپانياسىنىڭ «فوكەر-100» ماركالى ۇشاعى اپاتتىق جاعدايدا قوندى. « قىزىلوردا- استانا» باعىتىندا №2041 رەيس جاساعان اۋە كەمەسىنىڭ بورتىندا 121 ادام بولدى، ونىڭ ىشىندە 116 جولاۋشى جانە 5 ەكيپاج مۇشەسى. جاپا شەككەندەر جوق.

اتالعان فاكت سوت الدىنداعى تەرگەۋ امالدارىنىڭ ءبىرىڭعاي رەەسترىنە ق ر  ق ك 344 - بابىنىڭ 1- بولىمىنە سايكەس تىركەلدى.

قىلمىستىق ءىس باس كولىك پروكۋراتۋراسىنىڭ ارنايى پروكۋرورلارىنىڭ وندىرىسىنە الىندى، سوتقا دەيىنگى تەرگەۋ امالدارى جۇرگىزىلىپ جاتىر.