جيدەباي- بورىلىدە ەتنوگرافيالىق كورمە اشىلدى - فوتو
مادەنيەت جانە سپورت مينيسترلىگى باسپا ءسوز قىزمەتىنىڭ حابارلاۋىنشا، «ۇلى دالا مۇراسى» كورمەسىنىڭ نەگىزگى ماقساتى - وتكەن عاسىرلاردا ءومىر سۇرگەن قازاقتىڭ التىن قولدى ۇستالارى مەن زەرگەرلەرىنىڭ اسىل مۇرالارىن ناسيحاتتاۋ، مۇراجاي قورىندا ساقتالعان ەتنوگرافيالىق جانە زەرگەرلىك جادىگەرلەردى كورەرمەن نازارىنا ۇسىنۋ. قازاق حالقىنىڭ ۇمىتىلىپ، نازاردان تىس قالىپ بارا جاتقان ۇستالىق كاسىپ، زەرگەرلىك ونەرىن مۋزەي قورىنداعى جادىگەرلەر نەگىزىندە ءتۇسىندىرۋ.
شارا كەزىندە «قول كۇرەس»، «ارقان تارتۋ»، «اسىق اتۋ» سياقتى قازاقتىڭ ۇلتتىق ويىندارىنان جارىستار ۇيىمداستىرىلىپ، قازاق ۇلتتىق اۋەندەرى مەن بيلەردەن تۇراتىن كونتسەرت ءوتتى. دۋماندى شاراعا قاتىسقان قالا تۇرعىندارى مەن قوناقتارى باۋىرساق پەن ناۋرىز كوجەدەن ءدام تاتىپ، مۋزەي قىزمەتكەرلەرى دايىنداعان مەرەكەلىك كورىنىستەرگە ريزا بولدى.
كورمەنىڭ ەرەكشەلىگى - ەتنوگرافيالىق كورمەگە مۇراجاي قورىندا ساقتالعان سيرەك ەتنوگرافيالىق، زەرگەرلىك، قازاق حالقىنىڭ ۇلتتىق سالت- ءداستۇرى مەن تۇرمىسىن تانىتاتىن جادىگەرلەر قويىلدى. ولار اعاشتان، تەرىدەن جاسالعان تۇرمىستىق زاتتار، ءتۇرلى تاسىلمەن جاسالعان قولونەر بۇيىمدارى، قارۋ جاراقتار، مۋزىكالىق اسپاپتار، كۇمىستەن جاسالعان اشەكەي بۇيىمدارى، بەينەلەۋ ونەرى تۋىندىلارى جانە تاعى باسقا جادىگەرلەر.
«ۇلى دالا مۇراسى» ەتنوگرافيالىق كورمەسى قالا قوناقتارى مەن كورەرمەن نازارىنا ءبىر اي بويى ۇسىنىلادى.
