11:27, 28 - ناۋرىز 2016 | GMT +5
وڭتۇستىك قولباسشىلىعىندا ۇزدىك اسكەريلەر بايقاۋى ءوتتى - فوتو
استانا. قازاقپارات - «وڭتۇستىك» وڭىرلىك قولباسشىلىعىنىڭ 91678 اسكەري بولىمىندە «ۇزدىك ۆزۆود سەرجانتى» جانە «ۇزدىك بولىمشە كومانديرى» بايقاۋى ءوتتى،
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
بايقاۋعا 14 اسكەري قىزمەتشى قاتىستى. بايقاۋ ماقساتى - سەرجانتتار مەن كومانديرلەردىڭ اسكەري- كاسىبي تۇرعىسىنداعى دايارلىق دەڭگەيىن انىقتاۋ. كاسىبي دايارلىقتارىن ايقىنداۋ ءۇشىن اسكەري- كاسىپتىك تەست، اتىس دايارلىعى، رادياتسيالىق، حيميالىق جانە بيولوگيالىق قورعاۋ، ساپتىق جانە دەنە دايارلىعى، قويان- قولتىق ۇرىس بويىنشا سىناق قابىلداندى.
بايقاۋ قورىتىندىسى بويىنشا 91678 اسكەري ءبولىمىنىڭ «ۇزدىك ۆزۆود سەرجانتى» اتاعى 1- تاۋلى- ەگەرلىك ۆزۆودىنىڭ سەرجانتى اعا سەرجانت سۇندەتباي نۇرلىبايەۆقا بەرىلدى.
بولىمشە كومانديرلەرى اراسىندا 1- تاۋلى- ەگەرلىك ۆزۆودىنىڭ سەرجانتى جاسۇلان الىمبەتوۆ ۇزدىك اتاندى.
قارۋلى كۇشتەردەگى مۇنداي بايقاۋلار ۇدايى نەگىزدە وتكىزىلىپ تۇرادى.
