08:26, 27 - ناۋرىز 2016 | GMT +5
قىزىلوردادا ناۋرىز مەرەكەسىن تويلاۋ كەزىندەگى اۋەدەن تۇسىرىلگەن اسەرلى ۆيدەو شىقتى
استانا. قازاقپارات - قىزىلوردانىڭ ورتالىق الاڭىندا وتكەن ناۋرىز مەرەكەسىن تويلاۋ بارىسىن اۋەدەن درون كومەگىمەن تۇسىرگەن اسەرلى ۆيدەونى يۋتۋب ۆيدەوحوستينگىنە «بارىس ستۋدياسى» اككاۋنتى جاريا ەتتى.
ەسكە سالا كەتسەك، قالانىڭ ورتالىق الاڭىندا مەرەكە كۇنى تاۋەلسىزدىكتىڭ 25 جىلدىعىنا وراي وبلىس اكىمى قىرىمبەك كوشەربايەۆ باستاپ، ۇلى وتان سوعىسىنىڭ ارداگەرلەرى، قازاقستاننىڭ ەڭبەك ەرى ابزال ەراليەۆ پەن قوعام قايراتكەرلەرى، ق ر پارلامەنتى سەناتىنىڭ دەپۋتاتتارى، باتىر انالار جانە ەلىمىزگە تانىمال تۇلعالارى ءبىر مەزەتتە 25 بالانىڭ تۇساۋىن كەستى.
تۇساۋى كەسىلگەن بالاقايلارعا «دانالىق الىپپەسى» تارتۋ ەتىلىپ، اقساقالدار اق باتاسىن بەردى.
مەرەكە قارساڭىندا الاڭدا كيىز ۇيلەر تىگىلىپ، التىباقاندار قۇرىلىپ، ۇلتتىق ويىندار ويناتىلدى. ءان مەن كۇيدەن شاشۋ شاشىلدى.
