جەتپىس جاستاعى ش. ەلامانوۆ مىڭعا جۋىق دومبىرا، جيىرما شاقتى قوبىز جاساعان
وسى ونەرمەن 30 جىلعا جۋىق ۋاقىت اينالىسىپ كەلە جاتقان ول، بۇگىنگە دەيىن مىڭعا جۋىق دومبىرا مەن 20 شاقتى قوبىز جاساعان، دەپ حابارلايدى 24.kz.
استاۋ مەن كۇندەلىكتى تۇرمىسقا قاجەتتى ءتۇرلى بۇيىمداردى دا شوقان اعانىڭ شەبەرحاناسىنان تابۋعا بولادى. ءارى ول بارلىعىن كونە تەحنولوگيامەن جاسايدى. بۇل - ۋاقىتپەن تەكسەرىلگەن ءادىس. شەبەردىڭ ەندىگى ارمانى وسى ۇلتتىق ونەردى ۇرپاققا جەتكىزەتىن مەكتەپتەردىڭ ەلىمىزدە كوپتەپ اشىلعانىن قالايدى.
«جاساعان بۇيىمدارىمدى وتە ساپالى ىستەۋگە تىرىسامىز. مىسالى، استاۋدى تۇزدى سۋعا سالىپ، 10 ساعاتتان استام قايناتۋ كەرەك. سوندا ول جارىلمايدى، تەسىلمەيدى جانە كوپكە شىدايتىن بولادى. ەندىگى ارمانىم - وسى بار بىلگەنىمدى كەلەر ۇرپاققا ۇيرەتۋ. ءبىز سياقتى اعا بۋىن ۇيرەتپەسە، جاستار ونى قايدان بىلەدى»، - دەيدى اعاش شەبەرى شوقان ەلامانوۆ.
