وسكەمەندىك مەكتەپتە ساتۋشىسى جوق دۇكەن اشىلدى

استانا. قازاقپارات - وسكەمەندىك وقۋشىلار مەكتەپتەرىندە ساتۋشىسى جوق شاعىن دۇكەن اشتى. ساۋدا سورەسىنە بىرنەشە سۋسىن جانە ءتاتتى تاعامدار قويىلدى.

ال ەسىگىنە تاۋارلاردىڭ باعاسى مەن بۇل قىزمەتتىڭ ادالدىقتى تەكسەرۋگە ارنالعان ءادىس ەكەندىگى ءتۇسىندىرىلىپ جازىلدى. تالاپ بويىنشا كەز كەلگەن تاۋاردى ساتىپ العىسى كەلگەن وقۋشى ونىڭ اقىسىن ارنايى جاشىككە تاستاپ كەتۋى ءتيىس.

باسىندا دۇكەن 20-30 پايىز شىعىنعا ۇشىراعان. الايدا كەيىننەن ساتىپ الۋشىلار وزدەرىنىڭ ادالدىقتارىن ءبىلدىرىپ، تاۋار قۇنىن جاشىككە قالدىرىپ وتىرعان. سوندىقتان جۇيە ءوز ناتيجەسىن بەردى. العاشىندا تەك عىلىمي- زەرتتەۋ جوباسى رەتىندە اشىلعان دۇكەن ەندى مەكتەپ ىشىندە ءبىرجولاتا جۇمىسىن جالعاستىرا بەرمەك. ويتكەنى بۇل باستامانىڭ ادامدى جاۋاپكەرشىلىككە ءارى ادىلدىككە باۋليتىنى بايقالعان.

ايعانىم سەيىتوۆا، مەكتەپ وقۋشىسى:

- بۇل اكسيا بالالاردى شىنشىلدىققا، ءوزىن جاقسى ۇستاۋعا، وتىرىك ايتپاۋعا ۇيرەتەدى. بالالار وسى جوبانىڭ اياعىندا وزدەرى شىنشىلدىقتى ۇيرەنەدى دەپ ويلايمىز. سالعان قارجىنىڭ بارلىعى 100 پايىز ءوزىن-ءوزى اقتاۋدا.

www.24.kz