د. نوكەتايەۆا: ءاربىر «نۇروتاندىق» جاۋاپكەرشىلىكتى بىلەدى

استانا. قازاقپارات - قازاقستان حالقى ەلىمىزدىڭ بولاشاعىنا، تىنىس- تىرشىلىگىنە، دامۋىنا، جالپى قوعامعا اسەر ەتەتىن ماڭىزدى وقيعا تاريح بەتتەرىندە قالدىردى.

وتانداستارىمىزدىڭ باسىم كوپشىلىگى بىرلىك، تۇراقتىلىق پەن جاسامپازدىق ءۇشىن داۋىس بەرگەنىن ايتا كەتۋ كەرەك. «نۇر وتان» ناقتى ءىستىڭ پارتياسى ەكەنىن كورسەتىپ، كەزەكتى رەت ءوزىنىڭ ناعىز جالپىحالىقتىق ساياسي كۇش بولىپ قالىپتاسقانىن دالەلدەدى. بۇل - پارتيا ءتوراعاسى، ۇلت كوشباسشىسى نۇرسۇلتان ءابىش ۇلى نازاربايەۆتىڭ سارابدال ساياساتىنا زور سەنىممەن بىرىككەن بارشا قازاقستاندىقتاردىڭ ايقىن جەڭىسى ەكەنى ءسوزسىز. بۇل پىكىردى قازاقپارات تىلشىسىنە قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ رەكتورى دينار نوكەتايەۆا ءبىلدىردى.

ونىڭ اتاپ وتۋىنشە، ق ر پارلامەنتى ءماجىلىسىنىڭ كەزەكتەن تىس جانە وڭىرلىك ءماسليحات دەپۋتاتتارىنىڭ كەزەكتى سايلاۋىن وتكىزۋ باستاماسىن قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ ۇجىمى مەن ستۋدەنتتەرى ءبىراۋىزدان قولداعان. بۇل ءبىرتۇتاس قازاقستان قوعامىن ءبىر تۋدىڭ استىنا توپتاستىراتىن سەرپىلىسكە تولى وقيعا ەكەنىن جاستار دا، قىزمەتكەرلەر دە تۇسىنگەن. ماڭگىلىك ەلدىڭ - تۇعىرى بەرىك قازاقستاننىڭ تۇتقاسىن ۇستاۋ، ساۋلەلى بولاشاقتىڭ جارقىن بولۋى ازاماتتىق ۇستانىمى ايقىن، ءبىلىمى مەن بىلىگى جاراسقان جاستاردىڭ قولىندا ەكەنىن شىنايى تۇسىنگەن بەلسەندىلەر ءوز زامانداستارىن ءادىل تاڭداۋ جاساۋعا شاقىرىپ، ۇندەۋ دە جاريالاعان بولاتىن.

«ارينە، سايلاۋالدى ۇگىت- ناسيحات جۇمىستارى بۇكىل قازاقستان بويىنشا جۇرگىزىلدى. وسى ۋاقىت ارالىعىندا ءاربىر قازاقستاندىق ازامات ءوز قالاۋىنان شىعاتىنداي ساۋاتتى باعدارلاما ۇسىنا بىلگەن پارتياعا تاڭداۋ جاساۋعا بارلىق جاعدايلار جاسالدى، قاجەتتى جۇمىستار جۇرگىزىلدى. «نۇر وتان» پارتياسى 17 جىل ىشىندە ەلباسى ن. ءا. نازاربايەۆتىڭ جانە ءوز كوشباسشىسىنىڭ قاتارىنداعى شىنايى پاتريوتتار مەن ناعىز ىسكەر ازاماتتاردىڭ ۇستانىمى، قاعيداتىنىڭ ارقاسىندا قوعامداعى ءاربىر سالاداعى وزەكتى ماسەلەلەردى شەشۋدە كەلەلى ىستەر اتقارىپ، حالىقتىڭ كوڭىلىنەن شىعا بىلگەن ۇلكەن ساياسي ۇيىمعا اينالدى. پارتيا - قازاقستان تاعدىرىنا جاۋاپتى ەكەنىن جان-تانىمەن سەزىندى»، - دەدى د. نوكەتايەۆا.

سونىمەن قاتار ۋنيۆەرسيتەت باسشىسى جاھاندىق سىن-قاتەرلەر الدىندا ۇلتتىق ەكونوميكانى نىعايتۋ، حالىقتىڭ ءال- اۋقاتىن ارتتىرۋ، ەكولوگيانى جاقسارتۋ، حالىق دەنساۋلىعىن نىعايتۋ سەكىلدى ءبىرقاتار ماسەلەلەردى شەشۋ ءۇشىن ايرىقشا باعدارلاماسىن ۇسىنا بىلگەن پارتياعا حالىق تا ءبىراۋىزدان داۋىس بەرگەنىن باسا ايتتى.

«پرەزيدەنتتىڭ «قازاقستان - 2050» ستراتەگياسىنداعى دامىعان 30 ەلدىڭ قاتارىنا ەنۋ، «نۇرلى جول» باعدارلاماسى، 5 حالىقتىق رەفورماسى مەن «100 ناقتى قادامنان» تۇراتىن ۇلت جوسپارى - ءبىزدىڭ باستى تەمىرقازىعىمىز. ءبىزدىڭ ۇلتتىق يدەولوگيامىز - ماڭگىلىك ەل بولۋ. وعان تاعدىرى - ءبىر، تىلەگى - تۇتاس، بىرلىگى - بەكەم ەل عانا جەتەدى. سوندىقتان دا «نۇر وتان» پارتياسىنىڭ اتىنان حالىق سەنىمىنە يە بولعان پارتيالاستارىمدى قازاقستاندىق ارمان - ۇلت جوسپارىن جۇزەگە اسىرۋعا، ۇلكەن ءۇمىت پەن زور سەنىمدى ارتىپ، داۋىس بەرگەن بارشا قازاقستاندىقتاردىڭ ۇكىلى ارمانى مەن بەرىك ماقساتىنا قول جەتكىزۋلەرى ءۇشىن بىلەك سىبانا جۇمىس ىستەۋگە شاقىرامىن. بۇل حالىقتىڭ تاڭداۋى - ەلىمىزدەگى ەڭ بەدەلدى پارتياعا ارتىلعان زور جاۋاپكەرشىلىك. ال ونى ءاربىر «نۇروتاندىق» سەزىنەرى ءسوزسىز»، - دەپ تۇيىندەدى ءسوزىن ۋنيۆەرسيتەت رەكتورى.

اۆتور: مارلان جيەمباي