پاۆلوداردا ءۇش جىلدىڭ ىشىندە ءتورت مىڭعا جۋىق اشىق جۇرەككە وتا جاسالدى
بۇل تۋرالى اگەنتتىكتىڭ جولداعان رەسمي ساۋالىنا بەرگەن جاۋابىندا وبلىستىق دەنساۋلىق ساقتاۋ باسقارماسىنىڭ باسشىسى نۇرلان قاسىموۆ ءمالىم ەتتى.
«بيىلعى جىلى ەكى ايدىڭ ىشىندە بارلىعى 236 وتا جاسالعان. ونىڭ 102 سى قولقا قان تامىرىن شۋنتتاۋ بولسا، 54 ى جۇرەكتەگى قان جولى تەتىگىنە قاتىستى. سونىمەن قاتار 541 كورونوگرافيالىق تەكسەرۋ جۇرگىزىلگەن. بۇدان باسقا، ورتالىقتا قولقا قان جولى تەتىگىنىڭ ترانسكاتەتىرلىك ترانسپلانتاتسياسى، جۇرەكتىڭ ەلەكتر شيراتقىشى - كۇردەلى اريتميالىق قۇرىلعىلاردىڭ يمپلانتاتسيسى سىندى يننوۆاتسيالىق ەمدەۋ ادىستەرى ەنگىزىلگەن»، - دەدى ن. قاسىموۆ.
ايتا كەتەرلىگى، جالپى كارديولوگيالىق ورتالىقتا وبلىس بويىنشا 60711 ادام ديسپانسەرلىك ەسەپتە تۇر. ونىڭ ىشىندە ەكىباستۇز قالاسىندا 7812 جانە اقسۋدا 4721 ادام جۇرەك قان تامىرلارى اۋرۋلارىمەن اۋرادى. اۋداندار اراسىندا ەرتىس، پاۆلودار، كاچير اۋداندارى كوش باستاپ تۇر. ورتالىقتىڭ التى مامانى وتكەن جىلى قىتاي، ليتۆا، بەلارۋس جانە فرانسيا ەلدەرىنە وقۋعا بارىپ كەلگەن.
