قىرعىزستانداعى قازاقستان ەلشىلىگى ناۋرىز مەيرامىنا قارسى ديپلوماتيالىق قابىلداۋ ۇيىمداستىردى - فوتو

بىشكەك. قازاقپارات - كوكتەمگى اي مەن كۇن تەڭەلەتىن مەرەكە - ناۋرىز مەيرامىنا وراي قىرعىزستانداعى قازاقستان ەلشىلىگى ديپلوماتيالىق قابىلداۋ وتكىزدى.

شاراعا ق ر ءى ءى م اپپارات قىزمەتكەرلەرىنە جاۋاپتى ديپلوماتيالىق كورپۋس باسشىلارى، قىرعىزستاندا اككرەديتتەلگەن قازاقستاندىق كاسىپورىندار مەن مەكەمەلەر باسشىلارى، سونداي-اق كورنەكتى قوعام قايراتكەرلەرى قاتىستى.

ديپلوماتيالىق پراكتيكا نورمالارىنا سايكەس ق ر ەلشىسى ايىمدوس بوزجىگىتوۆ زايىبىمەن قوناقتاردى جىلى قارسى الدى.

ق ر ەلشىسى ن. ءا. نازاربايەۆتىڭ ەلدە قوعامدىق كەلىسىمدى نىعايتۋعا، قازاقستان حالقىنىڭ بىرلىگىن قامتاماسىز ەتۋگە ەلەۋلى ۇلەس قوسقانى ءۇشىن «قازاقستان حالقى اسسامبلەياسىنا 20 جىل» مەدالىمەن ماراپاتتاۋ تۋرالى جارلىعىن وقىدى. ناگرادانى «قىرعىزستان قازاقتارى قاۋىمداستىعى» ا ا ءتوراعاسى ەركين بۋلەكبايەۆ، قىرعىزستان حالقى اسامبلەياسى كەڭەسىنىڭ ءتوراعاسى بەكتەمىر مۋرزۋبرايموۆكە جانە قىرعىزستان حالقى اسسامبلەياسىنىڭ «دوستۋك نۋرۋ» و ف ديرەكتورى مەەريم سۋلايمانوۆقا تابىس ەتتى.

 ءراسىم سوڭىندا ديپميسسيا باسشىسى قوناقتاردى كيىز ۇيگە شاقىرىپ، ۇلتتىق تاعامنان ءدام تاتقىزدى. شارا جىلى، دوستىق قارىم-قاتىناستا، قازاقي قوناقجايلىقپەن ءوتتى.