پۋتين قادىروۆتى شەشەنستان باسشىسى قىزمەتىندە قالدىردى
بۇل شەشىمدى قادىروۆتىڭ وكىلەتتىك مەرزىمى 5- ساۋىردە اياقتالاتىن بولعاندىقتان قابىلدادى، ال سايلاۋ قىركۇيەككە بەلگىلەنگەن. پۋتين قادىروۆتىڭ الداعى سايلاۋعا قاتىساتىنىنا سەنىم ءبىلدىردى.
«شەشەنستان تۇرعىندارى مەن حالقى سايلاۋ ناۋقانى جانە سايلاۋ بارىسىندا رەسپۋبليكا ءۇشىن جاساعان ىستەرىڭ ءۇشىن لايىقتى باعاسىن بەرەدى دەپ ويلايمىن»، - دەدى پۋتين.
رامزان قادىروۆ اقپاندا جۋرناليستەرگە لاۋازىمىن باسقا ادامعا بەرۋگە ءازىر ەكەنىن مالىمدەگەن. «مەنىڭ ۋاقىتىم جەتكەن سياقتى. ءار ادامنىڭ توقتايتىن كەزەڭى بولادى. قادىروۆقا دا سول شاق جەتتى دەپ ويلايمىن»، - دەگەن بولاتىن ول ن ت ۆ ارناسىنا.
قادىروۆتىڭ مالىمدەمەسى ول باسقاراتىن رەسپۋبليكادا ءبىر ۋاقىتتا ورىن العان بىرنەشە داۋ-دامايعا قاتىستى ايتىلعان بولاتىن. الايدا پۋتين قادىروۆتىڭ جۇمىسى ءتيىمدى ءجۇرىپ جاتقانىن بىرنەشە رەت ايتقان، كرەملدە ونىڭ وتستاۆكاسى تۋرالى ماسەلە قارالىپ جاتپاعانىن حابارلادى.
