رەسەيدە سارى-قوڭىر ءتۇستى قار جاۋدى
حالىق بۇل قۇبىلىستى حيميكاتتار نەمەسە زىمىران ۇشىرۋ سالدارىنان بولۋى مۇمكىن دەپ ابىگەرگە ءتۇستى.
«سارى-قوڭىر ءتۇستى قار تاڭەرتەڭ جاۋعان. جەرگىلىكتى تۇرعىندار قاردىڭ ءتۇسى زىمىران وتىنى - گەپتيلگە قاتتى ۇقساتقان»، دەپ جازادى ءوڭىردىڭ «ۆزگلياد-ينفو» سايتى.
الايدا، وڭىرلىك گيدرومەت ورتالىعىنىڭ باسشىسى ميحايل بولتۋحين سارى قار تۇرعىندار ءۇشىن قاۋىپتى ەمەس ەكەنىن ايتتى. «قاۋىپتەنەتىن ەشتەڭە جوق. اركىم ءارقالاي ايتۋى مۇمكىن، ءبىراق بۇل سارى قۇم»، - دەدى ول.
ونىڭ ايتۋىنشا، مۇنداي قۇبىلىس - سيرەك جاعداي ەمەس، وتكەن جىلى دا وسىنداي قار جاۋعان.
«قازىر جاعداي وزگەشە، - دەپ اتاپ ءوتتى مەتەورولوگ، - ءبىزدىڭ وڭىرگە بىرنەشە تاۋلىك بويى ارابيا ارالى ماڭىنان كەلگەن ىستىق اۋا اعىنى تارادى. ال اتالعان ارال اۋماعىندا قۇمدى داۋىل سوعىپ جاتىر».
«بۇل شاڭدى اۋادا قۇم قوسپالارى ەلەۋلى بيىككە كوتەرىپ، كوپ اۋماقتارعا جاڭبىر، قار تۇرىندە جاۋادى»، - دەدى ول.
ءتۇرلى-ءتۇستى قار - رەسەيدە ءبىرىنشى رەت جاۋىپ وتىرعان جوق. 5- ناۋرىزعا قاراعان ءتۇنى سارى قار كراسنوكامەنسك قالاسىندا دا جاۋعان.
