18:56, 25 - ناۋرىز 2016 | GMT +5
قازاقستان سينگاپۋرمەن ەكونوميكا سالاسىنداعى ىنتىماقتاستىقتى نىعايتۋعا نيەتتى
استانا. قازاقپارات - سەنات ءتوراعاسى قاسىم-جومارت توقايەۆ سينگاپۋر رەسپۋبليكاسىنىڭ قازاقستانداعى ەلشىسى زۋلكيفلي بين ءاحارۋديندى ونىڭ ءوتىنىشى بويىنشا قابىلدادى.
اڭگىمە بارىسىندا ەكىجاقتى ىنتىماقتاستىقتىڭ وزەكتى ماسەلەلەرى، سونداي-اق سينگاپۋر پارلامەنتى ءتوراعاسىنىڭ شاقىرۋى بويىنشا سەنات ءتوراعاسىنىڭ الداعى (31- ناۋرىز - 2- ءساۋىر) سينگاپۋرعا ساپارىنا ازىرلىك تالقىلاندى.
ق. توقايەۆ اتاپ وتكەندەي، قازاقستان سينگاپۋرمەن ەكونوميكا سالاسىنداعى ىنتىماقتاستىقتى نىعايتۋعا، سونداي-اق پارلامەنتارالىق ءۇن قاتىسۋدى دامىتۋعا نيەتتى.
ەلشىنىڭ ايتۋىنشا، سينگاپۋردا قازاقستان سەناتى ءتوراعاسىنىڭ ساپارىن جانە ونىڭ جىل سايىنعى سينگاپۋر فورۋمىنا قاتىسۋىن، ازيا قۇرىلىعىنداعى ىنتىماقتاستىقتىڭ وزەكتى ماسەلەلەرى بويىنشا نەگىزگى بايانداماسىن زور ىقىلاسپەن كۇتۋدە.
اۆتور: سەرىك قاراجان
