ەلىمىزدە كولىك سالىعى جويىلىپ، جانارماي باعاسى قىمباتتاماق
بۇل ازىرگە تەك ۇسىنىس قانا. ەگەر جۇزەگە اسسا، سالىق جەرگىلىكتى نەمەسە رەسپۋبليكالىق بيۋدجەتكە ۋاقىتىندا ءتۇسىپ وتىرادى. جوبانىڭ ماقساتى دا سول.
الماتىدا 400 مىڭنان اسا كولىك تىركەلگەن. ونىڭ تەڭ جارتىسى سالىقتى ۋاقىتىندا وتەمەيدى. ياعني، كولىك سالىعى الىنىپ تاستالسا، جانارماي باعاسى 9 تەڭگەگە قىمباتتايدى.
ناتيجەسىندە، كولىككە قۇيىلعان بەنزين كولەمى ارقىلى سالىق الىنىپ وتىرادى. «باتىس ەۋروپا - باتىس قىتاي» تاس جولى ىسكە قوسىلسا، سالىق كولەمى ارتا تۇسپەك.
«جىل سايىن كولىك سالىعىن ءاربىر كولىك ءۇشىن تولەپ قاجەتى جوق. ياعني، قانشالىقتى قولداناسىڭ، سول ءاربىر ليتر بەنزيندى ساتىپ العان سايىن سالىقتى بىرتىندەپ تولەپ وتىرۋعا مۇمكىندىك بار. قازىرگى ەسەپتەمەلەر بويىنشا مىناۋ اكتسيزدىڭ باعاسىن 9 تەڭگەگە كوتەرۋ ۇسىنىلىپ وتىر»، - دەدى الماتى قالالىق مەملەكەتتىك كىرىستەر دەپارتامەنتى ءتۇسىندىرۋ جۇمىسى باسقارماسىنىڭ باسشىسى ەدىل ءازىمشايىح.
وعان قوسا، ەلىمىزدەگى جەر سالىعى مەن مۇلىك سالىعى بىرىگۋى مۇمكىن. ياعني، ەكى ءتۇرلى مۇلىككە ورتاق ءبىر سالىق جۇيەسى ەنگىزىلىپ، سول ارقىلى تولەم جاسالادى. قازىر ارنايى جۇمىس توبى ىسكە كىرىسكەن. ولار جەر مەن ءۇيدىڭ ورتاق باعاسىن شىعارىپ ءبىرىڭعاي سالىق سوماسىن بەلگىلەيدى. ايتا كەتەيىك، اتالعان جوبا ۇكىمەتتە قارالىپ ماقۇلدانسا، كەلەسى جىلدان باستاپ كۇشىنە ەنەدى.
