قازاق ارۋىنا قۇدا تۇسۋشىلەر كوبەيدى

استانا. قازاقپارات - سايىستان كەيىن ورىسشا سۇراق قويعان جۋرناليستەردىڭ بارلىعىنا دەرلىك انا تىلىندە جاۋاپ قايتارىپ، جۇرتتى وسى قىلىعىمەن ءتانتى ەتكەن-ءدى.

ەندى جەلى قولدانۋشىلارى ەلىمىزدىڭ ەڭ سۇلۋ ارۋىنىڭ ءبىرى ءالميرا احاتوۆانىڭ اباي ولەڭدەرىن جاتقا ايتىپ تۇرعان ءساتىن كورىپ، تاعى دا جىلى لەبىزدەرىن ءبىلدىرىپ جاتىر. ءتىپتى اراسىندا قۇدا تۇسكىسى كەلەتىندەر دە بار.

جۋرناليست ايدوس جۇقان ۇلى «قاي جىگىتتىڭ باعى ەكەن؟! ءتىل-كوز تيمەسىن، امان بول! «ءمىنسىز» دەگەن وسى قىز بولار» دەسە، جەلى قولدانۋشىلارىنىڭ ءبىرى «وسى قىزعا قۇدا تۇسسەم، بالاما الىپ بەرسەم، قالىڭ مالىمدى ايامايتىن ەدىم!» دەپ پىكىر ءبىلدىرىپتى.

بۇدان وزگە قىز قاۋىمىنىڭ ءوزى «سۇڭقىلداماي، جاساندىلىقسىز اسەرلى وقيدى. جارايسىڭ، قازاق ارۋى!»، «ءتىل-كوزدەن ساقتاپ، باعىڭ اشىلسىن!» دەپ ءاليا احمەتوۆاعا اق تىلەكتەرىن جاۋدىردى.

ەستەرىڭىزگە سالا كەتسەك، «قازاق ارۋى-2016» تەك انا تىلىندە سويلەگەنى ءۇشىن كوپشىلىككە بىردەن ۇناپ قالعانى تۋرالى حابارلاعان بولاتىنبىز.

Stan.kz