ەكونوميكادا دا، گەوساياساتتا دا قاراپايىم شەشىمدەر بولمايدى - ن. نازاربايەۆ
«پارلامەنتتىڭ جاڭا قۇرامى ايرىقشا قيىن جاعدايدا جۇمىس ىستەي باستايدى. وزدەرىڭىز دە بىلەتىندەي، كورىپ وتىرعانداي بۇكىل الەمدە كوپ دەڭگەيلى داعدارىس ۋشىعىپ تۇر. بىرىنشىدەن، الەمدىك ساۋدا- قارجى نارىعى بولجامسىز بولىپ تۇر. بۇل قازاقستان ەكونوميكاسىنا تەرىس اسەر ەتەدى، قازاقستاننىڭ جاھاندىق ەكونوميكاسىنا قوسىلۋىنىڭ وبەكتيۆتى باعاسى بولىپ سانالادى. ەكىنشىدەن، ءتىپتى باقۋاتتى ەلدەردىڭ وزىنە قاتىستى ءتۇرلى الەۋمەتتىك پروبلەمالار ءوسىپ كەلەدى»، - دەدى ق ر پرەزيدەنتى.
ەلباسى بۇل پروبلەمالاردىڭ جۇمىسسىزدىقتىڭ ءورشۋى، بوسقىنداردىڭ جاڭا جاھاندىق ماسەلەلەرى ەكەندىگىن اتاپ ءوتتى.
«قازىر تولىقتاي العاندا الەم دامۋىنىڭ كۇردەلى كەزەڭى. قاراپايىم شەشىمدەر ەكونوميكادا دا، گەوساياساتتا دا، ەشكىمگە دە بولمايدى. بۇل رەتتە قانداي دا قيىل قالىپتاستىردىڭ قاجەتى جوق. اشىعىن ايتايىن، تەڭگەرىمدى مەملەكەتتىك شەشىمسىز، وسىدان ءۇش جىل بۇرىن ءبىز جاڭا زاڭدار مەن ستراتەگيالىق باعدارلامالارسىز جاعداي مۇنان دا بارىنشا درامالىق تۇرعىدا ءوربىر ەدى»، - دەدى مەملەكەت باسشىسى.
وسى رەتتە قر پرەزيدەنتى ەلىمىزدىڭ ستراتەگيالىق ماقساتتارى مەن تاكتيكالىق مىندەتتەرىنە «ستراتەگيا-2050»، «نۇرلى جول» مەملەكەتتىك باعدارلامالارى مەن ۇلت جوسپارى جاتاتىندىعىن ايتتى.
«جەر قويناۋى جانە جەر قويناۋىن پايدالانۋ تۋرالى كودەكستىڭ قابىلدانۋىنا وراي وسى سالانى رەتتەيتىن بارلىق نورمالار ءبىر عانا زاڭنامالىق اكتىگە شوعىرلاناتىن بولادى. ۇشىنشىدەن، قولدانىستاعى ەلەكتر ەنەرگەتيكاسى تۋرالى زاڭناماعا وزگەرىستەر ەنگىزۋ قاجەت. بۇل ەنەرگيا تاسىمالداۋشى ۇيىمداردى ىرىلەندىرۋ ءۇشىن قاجەت»، - دەدى ن. نازاربايەۆ.
