جاپونيادا ەكى ءولىم جازاسى ىسكە اسىرىلدى

 استانا. قازاقپارات - جاپونيادا قىلمىسكەرلەرگە قاتىستى ەكى ءولىم جازاسى ىسكە اسىرىلدى. كۋودو اگەنتتىگىنىڭ بۇگىن حابارلاۋىنشا، ءتيىستى وكىمگە ادىلەت ءمينيسترى يۆاكي ميتسۋحيدە قول قويعان،

 دەپ حابارلادى ت ا س س.

ءبىرىنشى قىلمىسكەر ياسۋتوسي كاماتا 1985-1994 - جىلدار ارالىعىندا بەس ادامدى، سونىڭ ىشىندە، وساكا قالاسىندا 9 جاسار قىزدى ولتىرگەن. ەكىنشى ۇكىم 56 جاستاعى ايەل دزيۋنكو ەسيداعا قاتىستى بولدى. ول 1998-1999 -جىلدارى 67 ميلليون يەن (593 مىڭ دوللار) ساقتاندىرۋ تولەمدەرىن يەلەنۋ ءۇشىن ءوز قۇربىلارىنىڭ ءتورت كۇيەۋلەرىن ولتىرگەن.

 جاپونيادا سوڭعى ءولىم جازاسى وتكەن جىلعى جەلتوقساندا ورىندالعان بولاتىن.

ەلدە بيلىككە پرەمەر- مينيستر سيندزو ابە باستاعان ۇكىمەت كەلگەننەن كەيىن 16 قىلمىسكەر اجال قۇشتى. 120 دان استام ادام ءولىم جازاسىن كۇتىپ وتىر. جاپون زاڭناماسىنا سايكەس بۇل ءۇشىن ادىلەت ءمينيسترىنىڭ تىكەلەي وكىمى قاجەت.