يۆانوۆودا ناۋرىزدى تويلاۋعا ارنالعان سالتاناتتى شارا ءوتتى - فوتو
شارا قوناقتارى يۆانوۆو ەتنومادەني بىرلەستىكتەردىڭ تالانتتى وكىلدەرىنىڭ ونەرىنە ءتانتى بولىپ، ۇلتتىق تاعامنان ءدام تاتتى.
يۆانوۆتىق ۇلتتار ءۇيىنىڭ ديرەكتورى نيكولاي كاريكانىڭ ايتۋىنشا، يۆانوۆ وبلىسىندا شامامەن 50 ۇلتتىڭ وكىلدەرى بار جانە 31 ۇلتتىق قوعامدىق ۇيىم جۇمىس ىستەيدى.
ن. كاريكا قالا جانە يۆانوۆ وبلىسىنىڭ مادەني جانە الەۋمەتتىك-ەكونوميكالىق سالاسىنداعى قازاق دياسپوراسىنىڭ بەلسەندى ءرولىن اتاپ ءوتتى.
«قازاق دياسپوراسى بەلسەندىلىگىمەن ەرەكشەلەنەدى. ول يۆانوۆودا ناۋرىز مەرەكەسىن ۇيىمداستىرۋ باستاماسىن كوتەرگەندەردىڭ ءبىرى» - دەدى ن. كاريكا.
سونداي-اق ول ءبىزدىڭ ەلىمىزدەگى ۇلتارالىق جانە كونفەسسياارالىق كەلىسىمدى ايتا كەلە، ونىڭ وزگەلەرگە ۇلگى بولا الاتىنىن اتاپ ءوتتى.
يۆانوۆ وبلىسىنداعى قازاق دياسپوراسىنىڭ اتىنان قۇتتىقتاعان «ەۋرازيالىق ديالوگ» قورىنىڭ باسشىسى ايجان تۇزەلبەكوۆا 25 -ناۋرىزدا يۆانوۆودا ساۋدا ءۇيى اشىلاتىنىن جانە وندا قازاقستاندىق ءونىمدى ساتىپ الۋعا بولاتىنىن ايتتى. ول ساۋدا ءۇيىنىڭ ناۋرىزدى تويلاۋ كەزىندە اشىلۋى قازاقستان مەن رەسەي حالقى اراسىنداعى مادەني جانە الەۋمەتتىك- ەكونوميكالىق بايلانىسىنىڭ دالەلى ەكەنىن اتاپ ءوتتى.
قازاق دياسپوراسى مەن «ەۋرازيالىق ديالوگ» قورىنىڭ شاقىرۋىمەن ق ر و ق و- دان دەلەگاتسيا كەلدى. ولاردىڭ ىشىندە بەلگىلى ءانشى، ق ر مادەنيەت قايراتكەرى مەرۋەرت تۇسىپبايەۆا بار.
