شەكسپيردىڭ باس سۇيەگى جوعالىپ كەتتى

استانا. قازاقپارات - بريتاندىق ارحەلوگتار ۋيليام شەكسپير جاتقان قابىردى ەلەكتروماگنيتتىك راداردىڭ كومەگىمەن سكانەردەن وتكىزىپ، كۇتپەگەن جايتتى انىقتادى: بەيىتتە جاتقان ءمايىتتىڭ باس سۇيەگى بولماي شىقتى.

ستاففوردشيرسكي ۋنيۆەرسيتەتىنىڭ ارحەولوگيالىق توبىنىڭ جەتەكشىسى كەۆين كولزدىڭ ايتۋىنشا، شەكسپيردىڭ باس سۇيەگىن بىرەۋلەر ۇرلاپ كەتكەن. سونداي-اق كولز باس سۇيەكتى ۇرلاپ كەتكەن ادامدار شەكسپيردىڭ دانىشپاندىعىنىڭ سەبەبىن زەرتتەپ ءبىلۋ ءۇشىن العان دەپ ەسەپتەيدى. عالىمنىڭ سوزىنە قاراعاندا، باس سۇيەك بۇرىننان، 1794 -جىلداردان بەرى جوق. بۇل تۋرالى مالىمەتتى العاش رەت 1879 -جىلى Argosy جۋرنالىنىڭ اۆتورلارى جاريالاعان بولاتىن، الايدا كەيىننەن ونى جوققا شىعارادى.

سونىمەن بىرگە ماماندار زەرتتەۋ بارىسىندا شەكسپيردى تابىتقا سالماعانىن انىقتادى، ايگىلى دراماتۋرگتى كەبىنگە وراپ جەر قوينىنا تاپسىرعان ەكەن، دەپ جازادى شەتەلدىك ب ا ق.