ب ا ق: بەلگيا پرەمەرى ءى ءى م باسشىسىنىڭ قىزمەتتەن كەتۋىنە كەلىسىم بەرمەدى

استانا. قازاقپارات - بەلگيا ىشكى ىستەر ءمينيسترى يان يامبون بريۋسسەلدە ورىن العان لاڭكەستىكتەن كەيىن ءوز قىزمەتىنەن كەتۋگە نيەتتى ەكەنىن مالىمدەگەن، الايدا پرەمەر-مينيستر شارل ميشەل ونىڭ قىزمەتىن بوساتۋ نيەتىن قۇپتامادى، دەپ حابارلادى بەلگيالىق ب ا ق.

RTBF تەلەارناسىنىڭ بولجامىنا سۇيەنسەك، ءى ءى م باسشىسىن وتستاۆكاعا كەتۋ تۋرالى شەشىم قابىلداۋىنا تۇركيا بيلىگىنىڭ وتكەن جىلى ولار بريۋسسەلدە جارىلىس ۇيىمداستىرعان جانكەشتىلەردىڭ ءبىرىن ەلدەن شىعارعانى تۋرالى مالىمدەمەسى سەبەپ بولعان.

تۇركيا پرەزيدەنتى ەردوعان سارسەنبىدە حابارلاعانداي، انكارادا 2015 -جىلعى شىلدەدە بەلگيا ەلشىلىگىنە ەلدىڭ قاۋىپسىزدىك كۇشتەرى بەلگيا تۋماسى - ەكسترەميستى ۇستاعانىن، ونى ەلدەن شىعارىپ جىبەرگەنىن مالىمدەگەن. الايدا بەلگيالىق ساقشىلار ونى بىرنەشە كۇننەن كەيىن لاڭكەستىك ۇيىمعا ەش قاتىسى جوق دەپ بوساتىپ جىبەرگەن.

«بەلگيا بۇل ادام شەت ەلدىڭ سودىرى ەكەندىگى تۋرالى ەسكەرتۋىمىزدى ەلەمەدى»، - دەپ مالىمدەگەن ەردوعان.

سوڭعى دەرەكتەرگە سايكەس، 22 -ناۋرىزدا بريۋسسەلدە ءۇش جارىلىس سالدارىنان 31 ادام قازا تاۋىپ، 300 گە جۋىق ادام ءتۇرلى دارەجەدە جاراقات العان.