ق ر تۇڭعىش پرەزيدەنتىنىڭ قورى «تۇما» روك توبىنىڭ ءبىرىنشى البومىن شىعارۋعا گرانت ءبولدى
ەرتەڭ ق ر تۇڭعىش پرەزيدەنتى - ەلباسى قورىنىڭ عيماراتىندا «تۇما» توبىنىڭ «جارناما» جانە «سۋرەتشى» اتتى البومدارىنىڭ بىرلەسكەن تۇساۋكەسەر- كونسەرتى وتەدى.
«تۇما» توبى - قازاقستان جانە تمد ەلدەرىندەگى ءتۇرلى كونكۋرستاردىڭ جەڭىمپازى جانە روك- فەستيۆالدەردىڭ قاتىسۋشىسى. 2014 -جىلى جەلتوقسان ايىندا وتكەن «نا ۆەرشينە تەنگري» فەستيۆالىنىڭ «ترەك سەزونا» نوميناتسياسى بويىنشا «جارناما» انىمەن جەڭىمپاز اتانعان. سونىمەن قاتار توپ «Hard rock rising» كونكۋرسىنىڭ فيناليسى اتاعىنا يە.
«جاستاردىڭ كۇندەلىكتى ءومىرىنىڭ ەلەۋلى بولىگى تۇتىنۋعا تابىنۋمەن ءوتىپ جاتىر. جاپپاي تۇتىنۋ مادەنيەتىن تاراتۋ بولسا ءلاززات الۋدىڭ ءار ءتۇرلى جولدارى مەن جايلى ءومىردى ناسيحاتتاۋعا ۇلاسادى. ءبىز ءوز ونەرىمىزبەن تىڭدارمان قاۋىمدى ءوز تاعدىرىنا جاۋاپتى بولۋىنا جانە كۇش- جىگەرلەرىن وزىنە، ءوزىنىڭ وتباسىنا جانە مۇشەسى بولىپ تابىلاتىن قوعامنىڭ يگىلىگى ءۇشىن جۇمساۋىنا شاقىرامىز»، - دەدى ورىنداۋشىلار.
اۆتور: گۇلميرا عوسمانالي
