مىسىقتان جۇعاتىن قاۋىپتى پارازيت ادامدى ولىمگە يتەرمەلەۋى مۇمكىن
بۇل تۋرالى قازاقستان جاڭالىقتارى حابارلايدى.
توكسوپلازما - ىشكى كلەتكاداعى پارازيت. ول ادەتتە ءۇي مىسىقتارىنىڭ ىشەگىندە ءومىر سۇرەدى. ولاردىڭ سوڭعى كەزدەرى كەڭىنەن تارالۋى عالىمدار نازارىن اقىرى وسى ماسەلەگە اۋداردى. ناتيجەسىندە، توكسوپلازمانىڭ ءتىپتى جانۋار اسىراۋشى ادامنىڭ دا كوڭىل-كۇيىنە اسەر ەتىپ، مي جۇمىسىنا ءوز اسەرىن تيگىزەتىنى انىقتالعان.
چيكاگو ۋنيۆەرسيتەتىنىڭ عالىمى ەميل كوككارو مەن ونىڭ ۇجىمىنىڭ زەرتتەۋى بويىنشا بۇل پارازيت جۇققان ادامداردىڭ مىنەزىندە وزگەرىستەر بايقالا باستايدى. مۇنى ولار «مەزگىلدىك باقىلاۋدى بۇزۋ سيندرومى» دەپ اتاعان. بۇعان شالدىققان ادامدار زاتتاردى سىندىرىپ، اينالاسىنداعىلارعا دا قاتال مىنەزبەن قاراي باستايدى ەكەن. ءتىپتى ءوزىن دە، باسقالاردى دا ولتىرۋگە قادام جاساۋى مۇمكىن. دارىگەرلەردىڭ ايتۋىنشا، قازىر ا ق ش- تا وسى سيندرومعا شالدىققان 16 ميلليون ادام ءومىر سۇرەدى ەكەن.
اناليز قورىتىندىسى بويىنشا، توكسوپلازما اگرەسسيالىق جانە اعات جاعدايلارعا بەيىم ادامدار دا ءجيى كەزدەسەتىن بولعان. ايتسە دە عالىمدار، پارازيتتەردىڭ ادامدى اگرەسسيالى تۇلعاعا اينالدىرىپ جىبەرۋىنە قاتىستى ناقتى بايلامدى بىرنەشە زەرتتەۋدەن سوڭ جاسايمىز دەپ وتىر.
«ءدال قازىر ۇيگە جۇگىرىپ بارىپ، مىسىقتى سىرتقا لاقتىرىپ تاستاۋ كەرەك ەمەس. ءبىز ازىرگە بۇل مەحانيزمنىڭ قالاي جۇمىس ىستەيتىنىن بىلمەيمىز. ول اعزاداعى قابىنۋعا اسەر ەتە مە، الدە تىكەلەي ميعا قاتىستى ما مۇنى انىقتاۋ كەرەك»، - دەيدى كوككارونىڭ ۋنيۆەرسيتەتتەگى ارىپتەسى رويس لي.
Stan.kz
